ദുബായ്: കേരളത്തിന്റെ ചുമതലയുള്ള എഐസിസി ജനറൽ സെക്രട്ടറി ദീപ ദാസ് മുൻഷി മൂന്നു ദിവസത്തെ സന്ദർശനത്തിനായി ദുബായിലെത്തി. ദുബായ് അന്താരാഷ്ട്ര വിമാനത്താവളത്തിലെത്തിയ അവർക്ക് ഇൻകാസ് നേതാക്കൾ ആവേശകരമായ സ്വീകരണമാണ് നൽകിയത്.
ഗൾഫ് രാജ്യങ്ങളിലെ ഇൻകാസ്, ഒഐസിസി കമ്മറ്റികളുടെ പ്രവർത്തനങ്ങൾ വിലയിരുത്തുന്നതിനും നേതാക്കളുമായി ചർച്ച നടത്തുന്നതിനുമാണ് ഈ സന്ദർശനം. വരും ദിവസങ്ങളിൽ യുഎഇയിലെ വിവിധ ഇൻകാസ് നേതാക്കളുമായും ഒഐസിസി പ്രതിനിധികളുമായും അവർ കൂടിക്കാഴ്ച നടത്തും. കേരളത്തിലെ വരാനിരിക്കുന്ന രാഷ്ട്രീയ സാഹചര്യങ്ങളും പ്രവാസി കോൺഗ്രസ് സംഘടനകളുടെ ഏകോപനവും ചർച്ചകളിൽ പ്രധാന വിഷയമാകുമെന്നാണ് സൂചന.
Also Read: പെൺകുട്ടികളുടെ വിദ്യാഭ്യാസത്തിന് നൂറ്റാണ്ട്; ശതാബ്ദി ആഘോഷത്തിനൊരുങ്ങി ബഹ്റൈൻ
ഇൻകാസ്-ഒഐസിസി നേതാക്കളായ സുനിൽ അസീസ്, മഹാദേവൻ വാഴശേരിൽ, അഡ്വ. വൈ.എ. റഹിം, അനുര മത്തായി, സഞ്ജു പിള്ള എന്നിവരുടെ നേതൃത്വത്തിലുള്ള സംഘമാണ് വിമാനത്താവളത്തിൽ അവരെ സ്വീകരിച്ചത്. സന്ദർശനത്തിന്റെ ഭാഗമായി വിവിധ പ്രവാസി സംഗമങ്ങളിലും അവർ പങ്കെടുത്തേക്കും.
The post എഐസിസി ജനറൽ സെക്രട്ടറി ദീപ ദാസ് മുൻഷി ദുബായിലെത്തി; ഇൻകാസ് നേതാക്കൾ സ്വീകരണം നൽകി appeared first on Express Kerala.