ടാറ്റാ ക്യാപ്പിറ്റൽസ് എന്ന കമ്പനിയുടെ പ്രതിനിധികളാണെന്ന് വിശ്വസിപ്പിച്ച് കൊട്ടാരക്കര സ്വദേശിനിയായ വീട്ടമ്മയിൽ നിന്ന് 11 ലക്ഷം രൂപ തട്ടിയെടുത്തു. ഉയർന്ന പലിശ വാഗ്ദാനം ചെയ്താണ് തട്ടിപ്പ് സംഘം ഇവരെ സമീപിച്ചത്. തുടക്കത്തിൽ കൃത്യമായി പലിശ നൽകി വിശ്വാസം നേടിയെടുത്ത ശേഷമാണ് വലിയ തുക വീട്ടമ്മ നിക്ഷേപിച്ചത്.
പണം നിക്ഷേപിച്ച ശേഷം വാഗ്ദാനം ചെയ്ത ലാഭവിഹിതമോ നിക്ഷേപിച്ച തുകയോ തിരികെ ലഭിക്കാതെ വന്നപ്പോഴാണ് താൻ തട്ടിപ്പിനിരയായ വിവരം വീട്ടമ്മ തിരിച്ചറിഞ്ഞത്. പരാതിയെത്തുടർന്ന് കൊല്ലം റൂറൽ സൈബർ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. അപരിചിതമായ പണമിടപാടുകളെക്കുറിച്ച് ജാഗ്രത പാലിക്കണമെന്ന് പോലീസ് മുന്നറിയിപ്പ് നൽകുന്നു.
The post വൻ തട്ടിപ്പ്! കൊല്ലത്ത് വീട്ടമ്മയ്ക്ക് 11 ലക്ഷം രൂപ നഷ്ടമായി appeared first on Express Kerala.
