കേരളത്തിൽ സ്വർണ്ണവില വീണ്ടും കുതിച്ചുയർന്നു. കഴിഞ്ഞ ദിവസങ്ങളിലുണ്ടായ ഇടിവിന് ശേഷം പവന് ഒറ്റയടിക്ക് 1,920 രൂപ വർധിച്ച് വില 1,15,680 രൂപയിലെത്തി. ഗ്രാമിന് 240 രൂപ വർധിച്ച് 14,460 രൂപയായാണ് ഉയർന്നത്. ജനുവരി 29-ന് രേഖപ്പെടുത്തിയ 1,31,160 രൂപയാണ് ഇതുവരെയുള്ള റെക്കോർഡ് വില.
കഴിഞ്ഞ ദിവസങ്ങളിൽ സ്വർണ്ണവിലയിൽ വലിയ ഇടിവ് രേഖപ്പെടുത്തിയിരുന്നു. വ്യാഴാഴ്ചയും വെള്ളിയാഴ്ചയുമായി ഏകദേശം 2,400 രൂപയോളം കുറഞ്ഞെങ്കിലും ശനിയാഴ്ച വില വീണ്ടും ഉയരുകയായിരുന്നു. അന്താരാഷ്ട്ര വിപണിയിലെ മാറ്റങ്ങളാണ് പ്രാദേശിക വിപണിയിലും സ്വർണ്ണവില ഇത്തരത്തിൽ ചാഞ്ചാടാൻ പ്രധാന കാരണം.
Also Read: ഇനി AI വിപ്ലവം; വായ്പകൾ വിരൽത്തുമ്പിൽ, ഉപഭോക്താക്കളുടെ ആവശ്യങ്ങൾ മുൻകൂട്ടി അറിഞ്ഞ് ആധുനിക ബാങ്കുകൾ
കഴിഞ്ഞ ഡിസംബറിലാണ് സ്വർണ്ണവില ആദ്യമായി ഒരു ലക്ഷം രൂപ കടന്നത്. നിലവിൽ വിലയിൽ വലിയ മാറ്റങ്ങൾ സംഭവിച്ചുകൊണ്ടിരിക്കുന്ന സാഹചര്യത്തിൽ, കൃത്യമായ രേഖകളില്ലാതെ വീട്ടിൽ എത്രത്തോളം സ്വർണ്ണം സൂക്ഷിക്കാം എന്നതിനെക്കുറിച്ചും അത് സംബന്ധിച്ച നിയമവശങ്ങളെക്കുറിച്ചുമുള്ള ചർച്ചകളും സജീവമാണ്.
The post സ്വർണ്ണവിലയിൽ വൻ കുതിപ്പ്; പവന് ഒറ്റയടിക്ക് 1920 രൂപ വർധിച്ചു appeared first on Express Kerala.