ആലപ്പുഴ: റെയിൽവേ സ്റ്റേഷനിൽ നിന്ന് യാത്ര തിരിക്കാനൊരുങ്ങിയ ധൻബാദ് എക്സ്പ്രസിന്റെ കോച്ചിനടിയിൽ അറ്റ നിലയിൽ മനുഷ്യന്റെ കൈ കണ്ടെത്തി. ട്രെയിനിന്റെ എസ് 5 (S5) കോച്ചിന് താഴെയാണ് ഇന്ന് രാവിലെ കൈ കണ്ടെത്തിയത്. കഴിഞ്ഞ ദിവസം രാത്രിയാണ് ഈ ട്രെയിൻ ധൻബാദിൽ നിന്ന് ആലപ്പുഴയിൽ എത്തിയത്. സംഭവത്തെത്തുടർന്ന് അധികൃതർ എസ് 5 കോച്ച് മാത്രം സ്റ്റേഷനിൽ പിടിച്ചിടുകയും ബാക്കി കോച്ചുകളുമായി ട്രെയിൻ യാത്ര തുടരുകയും ചെയ്തു. ട്രെയിൻ തട്ടി മരിച്ച ആരുടെയെങ്കിലും ശരീരഭാഗമാകാം ഇതെന്നാണ് പ്രാഥമിക നിഗമനം. റെയിൽവേ സംരക്ഷണ സേന (RPF) സംഭവത്തിൽ കേസെടുത്ത് അന്വേഷണം ആരംഭിച്ചിട്ടുണ്ട്. ധൻബാദ് എക്സ്പ്രസ് കടന്നുവന്ന പാതയിൽ എവിടെയെങ്കിലും ട്രെയിൻ അപകടങ്ങൾ റിപ്പോർട്ട് ചെയ്തിട്ടുണ്ടോ എന്ന കാര്യം റെയിൽവേ വിശദമായി പരിശോധിച്ചു വരികയാണ്.
The post ട്രെയിൻ പുറപ്പെടാനിരിക്കെ കോച്ചിനടിയിൽ മനുഷ്യക്കൈ; സംഭവം ആലപ്പുഴ ധൻബാദ് എക്സ്പ്രസിന്റെ കോച്ചിന് അടിയിൽ appeared first on Express Kerala.
