ഇറാൻ-ഇസ്രയേൽ യുദ്ധം കൊടുമ്പിരിക്കൊണ്ടിരിക്കെ, ഇസ്രയേലിന് 15.1 കോടി ഡോളറിന്റെ ആയുധങ്ങൾ കൈമാറാൻ അമേരിക്കൻ സ്റ്റേറ്റ് ഡിപ്പാർട്ട്മെന്റ് അടിയന്തര അനുമതി നൽകി. സാധാരണ നിലയിലുള്ള ആയുധ കയറ്റുമതി നിയന്ത്രണ നിയമങ്ങൾ മറികടന്നാണ് അതീവ പ്രാധാന്യത്തോടെയുള്ള ഈ നീക്കം.
നിലവിലെ സാഹചര്യത്തിൽ ഇസ്രയേലിന്റെ പ്രതിരോധം ശക്തമാക്കുന്നതിനും മേഖലയിലെ ശത്രുക്കളെ പ്രതിരോധിക്കുന്നതിനും ഈ ആയുധങ്ങൾ അത്യന്താപേക്ഷിതമാണെന്ന് അമേരിക്കൻ ഭരണകൂടം വ്യക്തമാക്കി. വൈറ്റ് ഹൗസിൽ പ്രമുഖ പ്രതിരോധ കരാറുകാരുമായി അമേരിക്കൻ പ്രസിഡന്റ് ഡോണൾഡ് ട്രംപ് നടത്തിയ നിർണ്ണായക ചർച്ചയ്ക്ക് തൊട്ടുപിന്നാലെയാണ് ഈ തീരുമാനം പുറത്തുവന്നത്. സൈനിക നീക്കങ്ങൾക്കാവശ്യമായ ആയുധങ്ങളുടെ ഉത്പാദനം നാലിരട്ടിയായി വർദ്ധിപ്പിക്കാൻ ചർച്ചയിൽ ധാരണയായിട്ടുണ്ട്.
Also Read:പാകിസ്ഥാനിൽ ഇന്ധനവില കുതിച്ചുയരുന്നു: പെട്രോളിനും ഡീസലിനും ലിറ്ററിന് 55 രൂപ വർദ്ധിപ്പിച്ചു
അതേസമയം, യുദ്ധം പശ്ചിമേഷ്യയെ അസ്ഥിരപ്പെടുത്തിയെന്ന ആരോപണങ്ങൾ അമേരിക്ക തള്ളി. ‘ഓപ്പറേഷൻ എപിക് ഫ്യൂറി’ മേഖലയിൽ ആശയക്കുഴപ്പമല്ല, മറിച്ച് ഗൾഫ് രാജ്യങ്ങൾക്കിടയിൽ മുൻപില്ലാത്ത വിധത്തിലുള്ള ഐക്യമാണ് ഉണ്ടാക്കിയതെന്ന് പാർനെൽ എക്സിൽ കുറിച്ചു. ഇറാൻ ഭീഷണിയെ നേരിടാൻ ഗൾഫ് പങ്കാളികൾ ഒന്നിച്ച് നിൽക്കുന്നുവെന്നാണ് അമേരിക്കയുടെ അവകാശവാദം.
NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)
The post ഇസ്രയേലിന് 15.1 കോടി ഡോളറിന്റെ ആയുധങ്ങൾ കൂടി; അടിയന്തര അനുമതി നൽകി അമേരിക്ക appeared first on Express Kerala.
