സൗദി അറേബ്യയുടെ വിനോദസഞ്ചാര മേഖല ചരിത്രപരമായ വളർച്ചയുടെ പാതയിലാണെന്ന് ജനറൽ എന്റർടൈൻമെന്റ് അതോറിറ്റിയുടെ പുതിയ കണക്കുകൾ വ്യക്തമാക്കുന്നു. കഴിഞ്ഞ വർഷം മാത്രം രാജ്യത്തെ വിവിധ വിനോദ പരിപാടികളിൽ പങ്കെടുത്ത സന്ദർശകരുടെ എണ്ണം 8.9 കോടി കവിഞ്ഞു. വിനോദ സഞ്ചാരത്തിനായി സൗദിയെ തെരഞ്ഞെടുക്കുന്നവരുടെ എണ്ണത്തിൽ മുൻവർഷങ്ങളെ അപേക്ഷിച്ച് 65 ശതമാനം വർദ്ധനവാണ് രേഖപ്പെടുത്തിയത്. സന്ദർശകരുടെ സംതൃപ്തി നിരക്ക് 74 ശതമാനത്തിൽ എത്തിയത് ആഗോള ടൂറിസം ഭൂപടത്തിൽ സൗദിയുടെ സ്വാധീനം വർദ്ധിക്കുന്നതിന്റെ സൂചനയായി വിലയിരുത്തപ്പെടുന്നു.
രാജ്യത്തുടനീളം നടന്ന വിപുലമായ പരിപാടികളാണ് ഈ നേട്ടത്തിന് പിന്നിൽ. കഴിഞ്ഞ വർഷം 6,778 കമ്പനികളുടെ സഹകരണത്തോടെ 1,690 ഇവന്റുകളാണ് സംഘടിപ്പിച്ചത്. ഇതിനായി അയ്യായിരത്തിലധികം ലൈസൻസുകൾ അതോറിറ്റി അനുവദിച്ചു. നിലവിൽ സൗദിയിൽ സജീവമായി പ്രവർത്തിക്കുന്ന വിനോദ വേദികളുടെ എണ്ണം 975 ആയി ഉയർന്നിട്ടുണ്ട്. അടിസ്ഥാന സൗകര്യ വികസനത്തിലും വൈവിധ്യമാർന്ന പരിപാടികൾ അവതരിപ്പിക്കുന്നതിലും രാജ്യം കൈവരിച്ച പുരോഗതിയാണ് വിനോദസഞ്ചാര മേഖലയിലെ ഈ വൻ കുതിപ്പിന് കരുത്തേകുന്നത്.
The post സൗദി വിനോദസഞ്ചാര മേഖലയിൽ വൻ കുതിപ്പ്! സന്ദർശകരുടെ എണ്ണത്തിൽ റെക്കോർഡ് വർദ്ധനവ് appeared first on Express Kerala.
