കുന്നംകുളത്ത് കാറില് സഞ്ചിരിക്കുന്നതിനിടെ കടപ്പുറം അഴിമുഖം സ്വദേശിയ്ക്ക് സൂര്യാഘാതമേറ്റു. അഴിമുഖം ഒളാട്ട് വീട്ടില് മധുവിനാണ് കുന്നംകുളത്ത് വച്ച് സൂര്യാഘാതം ഏറ്റത്. ഇന്ന് രാവിലെ പത്തുമണിയോടെ വടക്കാഞ്ചേരി റോഡില് വച്ച് കാറില് സഞ്ചരിക്കുമ്പോഴാണ് സൂര്യാഘാതമേറ്റത്. രാവിലെയായതിനാല് കാറിന്റെ ഏ സി ഇട്ടിരുന്നില്ല.
ഗ്ലാസുകള് തുറന്നിടുകയും ചെയ്തിരുന്നു. ആദ്യം ചെറിയ നീറ്റല് അനുഭവപ്പെട്ടെങ്കിലും കാര്യമാക്കിയിരുന്നില്ല. പിന്നീട് വീട്ടിലെത്തി ഷര്ട്ട് ഊരി പരിശോധിച്ചപ്പോഴാണ് ചുവന്ന കുമിളകള് നെഞ്ചിന് താഴ് ഭാഗത്തായി രൂപപ്പെട്ടത് കണ്ടത്. ഉടന് തന്നെ അഞ്ചങ്ങാടി ആശുപത്രിയില് എത്തി പ്രാഥമിക ചികിത്സ തേടി.
