പ്രതിഭാ സംഗമം നടത്തി

ഇരിങ്ങാലക്കുട : ആനന്ദപുരത്ത് നടന്ന പ്രതിഭാ സംഗമം ജില്ലാ പഞ്ചായത്ത് അംഗം ജോസ് ജെ. ചിറ്റിലപ്പിള്ളി ഉദ്ഘാടനം ചെയ്തു.

മുരിയാട് പഞ്ചായത്ത് പ്രസിഡൻ്റ് സരള വിക്രമൻ അധ്യക്ഷത വഹിച്ചു.

ക്ഷേമകാര്യ സമിതി ചെയർമാൻ ജോൺസൻ, ആരോഗ്യ വിദ്യാഭ്യാസ സമിതി ചെയർപേഴ്സൺ സുനിത മുരളി, പഞ്ചായത്തംഗങ്ങളായ എ.എസ്. സുനിൽകുമാർ, അജീഷ്, വാർഡ് സമിതി അംഗം എ.സി. ചന്ദ്രൻ, തങ്കപ്പൻ തുടങ്ങിയവർ പ്രസംഗിച്ചു.

പ്രതിഭാ സംഗമത്തിന്റെ ഭാഗമായി എസ്.എസ്.എൽ.സി., പ്ലസ്ടു വിജയികൾക്കുള്ള സ്വീകരണവും, പഠനോപകരണ വിതരണവും ഹെൽത്ത് വെൽനസ് മെഡിറ്റേഷൻ പ്രോഗ്രാമും നടന്നു.