ലോക കപ്പ് ഫുട്ബോൾ മത്സരത്തിന്റെ ആരവം കാട്ടൂരിലും

ഇരിങ്ങാലക്കുട : ലോകകപ്പിന്റെ ഔദ്യോഗിക ഗാനമായ ‘ഡായ് ഡായ്’ ഗാനവുമായി ലോക കപ്പ് ഫുട്ബോളിനെ വരവേറ്റ് കാട്ടൂരും.

അമേരിക്ക, മെക്സിക്കോ, കാനഡ എന്നീ മൂന്ന് രാജ്യങ്ങളിലായി നടക്കുന്ന ലോക കപ്പ് ഫുട്ബോൾ മത്സരത്തിന്റെ ആരവം ഉയർത്തി കാട്ടൂർ സർവീസ് സഹകരണ ബാങ്കിന്റെ നേതൃത്വത്തിൽ കട്ട് പോസ്റ്റ് ഷൂട്ടൗട്ട്, ലോക കപ്പ് പ്രവചന മത്സരം തുടങ്ങിയ പരിപാടികൾ അരങ്ങേറി.

അഡ്വ. തോമസ് ഉണ്ണിയാടൻ എംഎൽഎ ഉദ്‌ഘാടനം ചെയ്തു.

ബാങ്ക് പ്രസിഡന്റ് ജോമോൻ വലിയവീട്ടിൽ അധ്യക്ഷത വഹിച്ചു.

ബ്ലോക്ക് പഞ്ചായത്തംഗം അംബുജ രാജൻ, പഞ്ചായത്തംഗം ജയ്‌ഹിന്ദ്‌ രാജൻ, ബാങ്ക് വൈസ് പ്രസിഡന്റ് പ്രമീള അശോകൻ, ഇ.എൽ. ജോസ്, എം.ജെ. റാഫി, മധുജ ഹരിദാസ്, പി.പി. ആന്റണി, കെ.ബി. ബൈജു, രാജൻ കുരുമ്പേപറമ്പിൽ, രാജേഷ് കാട്ടിക്കോവിൽ, സ്മിത മനോജ്, മുഹമ്മദ് ഇക്‌ബാൽ, ഷെറിൻ തേർമഠം, സി.ജെ. സജീഷ്, കെ. സതീഷ് എന്നിവർ പ്രസംഗിച്ചു.