Kerala Revised Budget 2026: കേരള ബജറ്റിലെ പ്രധാന പ്രഖ്യാപനങ്ങൾ ഒറ്റനോട്ടത്തിൽ
തിരുവനന്തപുരം: മുഖ്യമന്ത്രി വിഡി സതീശൻ അവതരിപ്പിച്ച 2026 – 2027 വർഷത്തേക്കുള്ള പുതുക്കിയ ബജറ്റിൽ നിരവധി ജനപ്രിയ പ്രഖ്യാപനങ്ങളാണ് ഇടംപിടിച്ചിരിക്കുന്നത്. യുഡിഎഫ് സർക്കാരിൻ്റെ ആദ്യ ബജറ്റാണ് ധനമന്ത്രി കൂടിയായ മുഖ്യമന്ത്രി അവതരിപ്പിച്ചിരിക്കുന്നത്. 2026 ജനുവരിയില് അവതരിപ്പിച്ച ബജറ്റിലെ തെറ്റായ കണക്കുകളെ തുടര്ന്ന് ഈ സര്ക്കാര് പുതുക്കിയ ബജറ്റ് അവതരിപ്പിക്കുമ്പോള് സംസ്ഥാനത്തിന്റെ പ്രതീക്ഷിത വരുമാനത്തില് 20,500 കോടി രൂപയുടെ കുറവാണ് ഉണ്ടായിരിക്കുന്നതെന്ന് സതീശൻ പറഞ്ഞു.
കേരള ബജറ്റ് പ്രധാന പ്രഖ്യാപനങ്ങൾ
- മിഷന് സമുദ്ര: കേരളത്തിൻ്റെ സ്ഥാനം ലോക മാരിടൈം ഭൂപടത്തില് രേഖപ്പെടുത്താനുള്ള സമഗ്ര പദ്ധതിയാണ് ‘മിഷന് സമുദ്ര’. കേരളത്തെ തുറമുഖ നഗരമാക്കി റോഡ് , സമുദ്രം , റെയില് , ഉള്നാടന് ജലപാതകള്, നിര്മാണ മേഖലകള്, ഗ്രീന്ഫീല്ഡ് സിറ്റി, എന്നിവ ബന്ധിപ്പിച്ച് മാരിടൈം സമ്പദ് വ്യവസ്ഥയിലേക്ക് മാറ്റും. ഇതേത്തുടര്ന്നുള്ള തൊഴിലവസരങ്ങളില് തീരപ്രദേശ ജനതയ്ക്ക് സംവരണം ഉറപ്പാക്കും.
- സമുദ്രയാത്രാ ചരിത്രം, കപ്പല് നിര്മ്മാണ പാരമ്പര്യം, വാണിജ്യപൈതൃകം, കടല്മേഖലാ ജീവിത സംസ്കാരം എന്നിവയെ ഒരുമിപ്പിക്കുന്ന അന്തര്ദേശീയ മാരിടൈം മ്യൂസിയം സ്ഥാപിക്കും.
- തിരുവനന്തപുരം, കൊല്ലം, ആലപ്പുഴ ജില്ലകളെ തന്ത്രപരമായ ദേശീയ പ്രാധാന്യമുള്ള ഒരു ഏകീകൃത സാമ്പത്തിക മേഖലയായി സംയോജിപ്പിക്കുന്ന ‘സതേണ് കേരളാ ഇക്കണോമിക് കോറിഡോര്’ സൃഷ്ടിക്കും.
- നാല് അന്താരാഷ്ട്ര വിമാനത്താവളങ്ങളെ കേന്ദ്രീകരിച്ച് കേരളത്തെ ദക്ഷിണേന്ത്യയിലെ പ്രധാന ഏവിയേഷന്-ലോജിസ്റ്റിക്സ് ഹബ്ബായി വികസിപ്പിക്കും.
ഉമ്മൻ ചാണ്ടി ആരോഗ്യ ഇൻഷുറൻസ് പദ്ധതി; ഒരോ കുടുംബത്തിനും വർഷം 25 ലക്ഷം
- നിക്ഷേപകര്ക്ക് ആവശ്യമായ ഭൂമി, നിയമപരമായ വിവിധ അനുമതികള് (റെഗുലേറ്ററി & സ്റ്റാറ്റിയൂട്ടറി) നിക്ഷേപാനന്തര പിന്തുണ എന്നിവ ഓരോ ഘട്ടത്തിലും ഉറപ്പു വരുത്തുന്ന ഒരു ഏകജാലക സംവിധാനമായി ഇന്വെസ്റ്റ് കേരളം സെല് രൂപീകരിക്കും.
- പതിനായിരത്തോളം എംഎസ്എംഇ സംരംഭങ്ങള് സംസ്ഥാനമൊട്ടാകെ ആരംഭിക്കുന്നതിന് ആവശ്യമായ സഹായം നല്കുന്ന കേരള എംഎസ്എംഇ.ഗ്രോത്ത് സ്കീമിന് രൂപം നല്കും. ഇവര്ക്ക് റിവോള്വിംഗ് ഫണ്ട്, വിദഗ്ധ മാര്ഗ്ഗനിര്ദ്ദേശം എന്നിവ നല്കുന്നതിനായി ടെക്നോ-മെന്റര് / മാനേജ്-മെന്റര് മാരുടെ സഹായം ഉറപ്പാക്കും.
- ഗുരുതര രോഗം ബാധിച്ചവര്ക്കും സാമ്പത്തിക പരാധീനത അനുഭവിക്കുന്നവര്ക്കും തുടര് വിദ്യാഭ്യാസത്തിന് പണമില്ലാത്തവര്ക്കും സഹായം നേരിട്ട് എത്തിക്കുന്നതിനുള്ള പ്ലാറ്റ്ഫോമായി ‘വണ് കേരള കരുതല് മിഷന്’ സ്ഥാപിക്കും.
- മാറിക്കൊണ്ടിരിക്കുന്ന ആഗോള തൊഴില് മേഖലയെ കുറിച്ച് പഠിച്ച് കേരളത്തിലെ യുവജനങ്ങളെ സജ്ജരാക്കാന് ‘ഗ്ലോബല് ജോബ് വാച്ച് ടവര്’ ആരംഭിക്കും.
- ബഹിരാകാശ മേഖലയിയില് തൊഴിലവസരം സൃഷ്ടിക്കാന് സാറ്റലൈറ്റ് ടെക്നോളജിക്ക് ഊന്നല് നല്കിയുള്ള ഗവേഷണ സ്ഥാപനങ്ങള് ആരംഭിക്കും. സ്വകാര്യ സാറ്റലൈറ്റ് നിര്മ്മാണ/വിക്ഷേപണ സ്ഥാപനങ്ങള്ക്ക് പ്രോത്സാഹനം നല്കും.
- കേരളത്തെ ഉന്നത വിദ്യാഭ്യാസത്തിന്റെ പ്രധാന ലക്ഷ്യസ്ഥാനമാക്കി മാറ്റാനും വിദേശത്തെ ലെഗസി യൂണിവേഴ്സിറ്റികളെ ഉള്പ്പെടെ ആകര്ഷിക്കാനും ‘കേരള നോളജ് വാലി’ സ്ഥാപിക്കും.
- ആദിവാസി സമൂഹങ്ങളുടെ സവിശേഷമായ സാംസ്കാരിക പൈതൃകം, പരമ്പരാഗത വിജ്ഞാന സമ്പ്രദായങ്ങള്, വികസനാഭിലാഷങ്ങള് എന്നിവയ്ക്കു വേണ്ടി ‘വയനാട് ട്രൈബല് സര്വകലാശാലയും തദ്ദേശീയ വിജ്ഞാന മേഖലയും’ ആരംഭിക്കും.
- ആരോഗ്യ കേന്ദ്രങ്ങളെ ഒരു കുടക്കീഴില് കൊണ്ടുവരുന്ന കേരള ഹെല്ത്ത് ആന്റ് ലൈഫ് സയന്സ് സിറ്റി സ്ഥാപിച്ച് കേരളത്തെ പ്രമുഖ മെഡിക്കല് ഡെസ്റ്റിനേഷനാക്കി മാറ്റും.
- കേരളത്തിലെ വിവിധ ഉന്നത വിദ്യാഭ്യാസ സ്ഥാപനങ്ങളിലെ റിസര്ച്ച് സംവിധാനങ്ങളും നൂതന ആശയങ്ങളും IIT മദ്രാസ് റിസര്ച്ച് പാര്ക്ക് മാതൃകയില് വിപുലീകരിക്കും.
- വയോജനങ്ങള്ക്ക് ആവശ്യമായ സ്ഥാപനങ്ങള്, വ്യയശേഷി നേടാനുതകുന്ന സാമ്പത്തിക സഹായം, സംരംഭകത്വം, വൈദഗ്ദ്ധ്യം എന്നിവ ഉള്പ്പെടുന്ന ‘സില്വര് ഇക്കോണമി’ വികസിപ്പിക്കും.
- അന്താരാഷ്ട്ര മാതൃകയില് കെയര് ഗിവര് സര്ട്ടിഫിക്കറ്റ് കോഴ്സുകള് ആരംഭിക്കും.
കേരള നോളജ് വാലി; ഉന്നതവിദ്യാഭ്യാസത്തിന് 100 കോടി പ്രഖ്യാപിച്ച് സംസ്ഥാന ബജറ്റ്
- ഭൂമിയുടെ ലഭ്യതക്കുറവ് പരിഹരിക്കാന് ലാന്ഡ് മാനേജ്മെന്റ് നയം സര്ക്കാര് രൂപീകരിക്കും. മുന്കാലങ്ങളില് പ്രസക്തമായിരുന്ന ഭൂനിയമങ്ങള് പരിശോധിക്കുകയും കാലാനുസൃതമായ മാറ്റങ്ങള് ആവശ്യമായവ പരിഷ്കരിക്കുകയും ചെയ്യും.
- പുനരുപയോഗ ഊര്ജ്ജ സ്രോതസ്സുകളുടെ വലിയ തോതിലുള്ള ഉപയോഗം പ്രോത്സാഹിപ്പിക്കുന്നതിനൊപ്പം ഗ്രീന് അമോണിയ, ഗ്രീന് മെഥനോള്, ഗ്രീന് ഹൈഡ്രജന് എന്നിവയാക്കി മാറ്റുന്നതിലൂടെ ഗ്രീന് ഹൈഡ്രജന് ഹബ്ബായി കേരളത്തെ മാറ്റും.
- ലോകോത്തര അടിസ്ഥാന സൗകര്യങ്ങള്, സമര്പ്പിതവും ആസൂത്രിതവുമായ ഒരു സാമ്പത്തിക മേഖല, അനുമതികള്ക്കുള്ള സുഗമമായ നടപടിക്രമങ്ങള്, പദ്ധതി വേഗവും വിജയവും നിക്ഷേപകര്ക്ക് ഉറപ്പ് നല്കുന്ന സ്പെഷല് ഇന്വെസ്റ്റ്മെന്റ് സോണ് (Special Investment Zone) നടപ്പാക്കും.
- ലോക നിലവാരത്തിലുള്ള ഫുട്ബോള് സ്റ്റേഡിയം മലബാറില് നിര്മ്മിക്കും.
- സുഗന്ധവ്യഞ്ജനങ്ങള്, സമുദ്രോത്പന്നങ്ങള്, കൈത്തറി ഉല്പ്പന്നങ്ങള്, ആയുര്വേദ കൂട്ടുകള്, കശുവണ്ടി, കയര് എന്നിവയുടെ ബ്രാന്ഡിംഗും ഉറപ്പാക്കാന് ‘ബ്രാന്ഡ് കേരളം’ ആരംഭിക്കും.
- മത്സ്യത്തൊഴിലാളികള്ക്കുള്ള പദ്ധതികളുടെ നിര്വ്വഹണത്തിന് ഫിഷറീസ് സബ് പ്ലാന് ആവിഷ്കരിക്കും. മണ്ണെണ്ണ സംബ്സിഡി 75 രൂപയായായി ഉയര്ത്തും. അപകട ഇന്ഷുറന്സ് തുക പരിഷ്കരിക്കും. രക്ഷാപ്രവര്ത്തനങ്ങള്ക്ക് റെസ്ക്യൂ ബോട്ടുകളും വനിതകള്ക്ക് മത്സ്യ വിപണനത്തിന് ഷീ സ്കൂട്ടറുകളും അനുവദിക്കും.
- വിവിധ പ്രദേശങ്ങളെ പരിസ്ഥിതി സൗഹൃദവുമായ ആഗോള മത്സരക്ഷമതയുള്ള നഗരങ്ങളാക്കി മാറ്റുന്നതിന് കേരള അര്ബന് ഗ്രോത്ത് മിഷന് (Kerala Urban Growth Mission)രൂപീകരിക്കും.
- ജെസി ഡാനിയേല് ഇന്റര്നാഷണല് ഫിലിം സിറ്റി – ചിത്രനഗരം കൊച്ചിയില് സ്ഥാപിക്കും. സിനിമയ്ക്ക് വ്യവസായ പദവി നല്കും.
- തനത് കലാ-സാംസ്കാരിക മേഖലയെ സംരക്ഷിക്കുന്നതിനും പരിപോഷിപ്പിക്കുന്നതിനുമായി എം.ടി. വാസുദേവന് നായരുടെ പേരില് കോഴിക്കോട് ഒരു കള്ച്ചറല് പാര്ക്ക് സ്ഥാപിക്കും.
- സംഗീത സംവിധായകന് ജോണ്സണ് മാസ്റ്ററുടെ പേരില് തൃശ്ശൂരില് പുതിയ മ്യൂസിക് അക്കാദമി ആരംഭിക്കും.
- എല്ലാ കുടുംബങ്ങള്ക്കും 25 ലക്ഷം രൂപ വരെയുള്ള സൗജന്യ ‘ഉമ്മന് ചാണ്ടി ആരോഗ്യ ഇന്ഷുറന്സ് പദ്ധതി നടപ്പിലാക്കുന്നതിനുള്ള പ്രാരംഭ നടപടികള് ആരംഭിക്കും.
- കേരളത്തിന്റെ തനതായ പാചക കല ലോകത്തിനു മുന്നില് പരിചയപ്പെടുത്താന് പാചകകലാ ഇന്സ്റ്റിറ്റ്യൂട്ട് സ്ഥാപിക്കും.
- 2026-27 വര്ഷത്തെ പദ്ധതി അടങ്കല് തുക 35,750 കോടി രൂപയില് നിന്നും 30,370 കോടി രൂപയായി പുതുക്കി നിശ്ചയിച്ചിട്ടുണ്ട്. എന്നാല് പട്ടികജാതി-പട്ടികവര്ഗ്ഗ മേഖലയ്ക്ക് ഉണ്ടായ കുറവ് പരിഹരിക്കാന് പട്ടികജാതി മേഖലയ്ക്ക് 527.68 കോടി രൂപയും പട്ടികവര്ഗ്ഗ മേഖലയ്ക്ക് 152.52 കോടി രൂപയും കൂടുതലായി അനുവദിച്ചിട്ടുണ്ട്. മത്സ്യബന്ധന മേഖലയ്ക്കും 50 കോടി രൂപ അധികമായി വകയിരുത്തി.
- തദ്ദേശ സ്ഥാപനങ്ങള്ക്കുള്ള വികസനഫണ്ട് പദ്ധതി വിഹിതത്തിന്റെ 28.5 ശതമാനമായി ഉയര്ത്തി.
- റബറിന്റെ താങ്ങുവില 200 രൂപയില് നിന്നും 250 രൂപയായി വര്ദ്ധിപ്പിക്കും.
- വനിതകള്ക്കായി കൃഷി സഖി – വനിതാ കര്ഷക വികസന പരിപാടി നടപ്പാക്കും.
- മൂന്ന് വര്ഷത്തിനുള്ളില് പാലിന്റെ പ്രതിദിന ഉല്പാദനം ഒരു കോടി ലിറ്ററായി ഉയര്ത്തും.
- എല്ലാ തീരദേശവാസികള്ക്കും പട്ടയം ലഭ്യമാക്കും.
- മുതലപ്പൊഴി ഹാര്ബറിന്റെ അപാകതകള് പരിഹരിക്കാന് നടപടി സ്വീകരിക്കും.
- മനുഷ്യ-വന്യജീവി സംഘര്ഷം ലഘൂകരിക്കുന്നതിനായി ആധുനിക സാങ്കേതിക വിദ്യയുടെ സാദ്ധ്യതകള് പ്രയോജനപ്പെടുത്തും. ഇതിനായുള്ള ബജറ്റ് വിഹിതം ഉയര്ത്തും.
- 2050-ഓടു കൂടി കേരളത്തെ പൂര്ണ്ണമായും കാര്ബണ് ന്യൂട്രല് സംസ്ഥാനമാക്കും.
- മലയോര മേഖലയില് ബഹുവിള കൃഷി രീതി പ്രോത്സാഹിപ്പിക്കും. മേഖലയില് പട്ടയവിതരണത്തിന് തടസ്സമായിട്ടുള്ള എല്ലാ പ്രശ്നങ്ങള്ക്കും സമയബന്ധിതമായി പരിഹരിക്കും.
- മഹാത്മാഗാന്ധി തൊഴിലുറപ്പ് പദ്ധതി നടപ്പിലാക്കുന്നതിന് ആദ്യംഘട്ടം എന്ന നിലയ്ക്ക് സംസ്ഥാന വിഹിതം 1422.60 കോടി രൂപയായി ഉയര്ത്തും.
- ഗ്രാമസഭയില് നേരിട്ട് പങ്കെടുക്കാന് സാധിക്കാത്ത ഗ്രാമ സഭാംഗങ്ങള്ക്ക് ഓണ്ലൈനായി പങ്കെടുക്കുന്നതിനുള്ള സൗകര്യം ഏര്പ്പെടുത്തും.
- ഉരുള്പൊട്ടലിലുണ്ടായ വിലങ്ങാടിന്റെ പുനര്നിര്മിതിക്ക് ‘വിലങ്ങാട് പാക്കേജ്’ പ്രഖ്യാപിക്കുന്നു.
- വയനാട്, കാസര്കോട്, ഇടുക്കി ജില്ലകള്ക്കായുള്ള പാക്കേജുകള് ഊര്ജ്ജിതമായി നടപ്പാക്കാന് നടപടി കൈക്കൊള്ളും.
- എന്ഡോസള്ഫാന് ദുരിത ബാധിതരായ കുടുംബങ്ങളെ സര്ക്കാര് ഏറ്റെടുക്കുവാന് നടപടി സ്വീകരിക്കും.
- സഹകരണ സംഘങ്ങളിലെ നിക്ഷേപത്തുക യഥാസമയം മടക്കി നല്കാന് കഴിയുന്ന തരത്തില് നിക്ഷേപ ഗ്യാരന്റി സ്കീമില് ആവശ്യമായ മാറ്റങ്ങള് വരുത്തി നിക്ഷേപകരുടെ വിശ്വാസം വീണ്ടെടുക്കാനുള്ള പദ്ധതി നടപ്പിലാക്കും.
- സ്ത്രീ തൊഴിലാളികള് കൂടുതലുള്ള കശുവണ്ടി, കയര്, കൈത്തറി അടക്കമുള്ള പരമ്പരാഗത വ്യവസായങ്ങള്ക്ക് വേതന സഹായം നല്കും. പൂട്ടി കിടക്കുന്ന ഫാക്ടറികള്ക്ക് ഒറ്റത്തവണ തീര്പ്പാക്കല് പദ്ധതിക്കായി നടപടികള് സ്വീകരിക്കും.
- കാല്നട യാത്രക്കാര്ക്ക് സുരക്ഷിതത്വം ഉറപ്പാക്കുകയും ചെയ്യുന്ന റോഡ് സംസ്കാരം വളര്ത്തുന്നതിന് സമഗ്രമായ ട്രാഫിക് നയം രൂപീകരിക്കും.
- തോട്ടം മേഖലയില് കൂടുതല് സ്ഥലം ടൂറിസത്തിനായി ഉപയോഗിക്കാവുന്ന വിധത്തില് ആവശ്യമായ നിയമ ഭേദഗതി കൊണ്ടുവരും.
- അര്ത്തുങ്കല് ബസലിക്ക, അമ്പലപ്പുഴ ക്ഷേത്രം, കാക്കഴം പള്ളി, മണ്ണാറശ്ശാല, കൃഷ്ണപുരം കൊട്ടാരം, മാതാ അമൃതാന്ദമയി മഠം, ഓച്ചിറ ക്ഷേത്രം തുടങ്ങിയ തീര്ഥാടന കേന്ദ്രങ്ങളെ ബന്ധപ്പെടുത്തി തീര്ഥാടന ടൂറിസം സര്ക്യൂട്ട് പദ്ധതി നടപ്പിലാക്കും.
- ഇ-ഗ്രാന്റ് കുടിശ്ശിക തീര്പ്പാക്കുന്നതിനും സമയബന്ധിതമായി നല്കുന്നതിനുമുള്ള നടപടി കൈക്കൊള്ളും.
See also സി.പി.ഐ.എം പാലിശ്ശേരി ലോക്കൽ കമ്മിറ്റിയുടെ നേതൃത്വത്തിൽ ഭവന നിർമ്മാണത്തിന് തുടക്കം കുറിച്ചു
ഉമ്മൻ ചാണ്ടി ആരോഗ്യ ഇൻഷുറൻസ് പദ്ധതി; ഒരോ കുടുംബത്തിനും വർഷം 25 ലക്ഷം
- വിദ്യാര്ഥികളില് ശാസ്ത്രബോധം വളര്ത്തുന്നതിനും കേരളത്തെ ഒരു ആഗോള വിജ്ഞാന ഹബ്ബായി മാറ്റുന്നതിനുമായി ജവഹര്ലാല് നെഹ്റു സെൻ്റർ ഫോര് സയന്റിഫിക് ടെമ്പര് എന്ന ഒരു പുതിയ പദ്ധതി ആവിഷ്കരിക്കുന്നതാണ്.
- നിര്മിത ബുദ്ധി, ക്വാണ്ടം കമ്പ്യൂട്ടിംഗ്, ബയോടെക്നോളജി ഉള്പ്പെടെയുള്ള അത്യാധുനിക സാങ്കേതികവിദ്യയുടെ സാധ്യതകളെ മുന്കൂട്ടി മനസിലാക്കി ഉപയോഗപ്പെടുത്താന് Future Readiness Think Tank രൂപീകരിക്കും.
- വിദേശ വിദ്യാര്ത്ഥികള്ക്ക് കേരളത്തില് വന്നു പഠിക്കാന് അവസരം ഒരുക്കുന്ന ”സെമസ്റ്റര് ഇന് കേരള’ പദ്ധതി പുനരാരംഭിച്ച് അക്കാദമിക് ടൂറിസം ശക്തിപ്പെടുത്തും.
- കേരളത്തിലെ ക്യാമ്പസുകളില് ‘Student diverstiy, Student mobility എന്നിവയ്ക്ക്
- പരിഗണന നല്കും.
- റാഗിങ് തടയാന് ‘Sidharthan Student Distress App’, വിദ്യാര്ഥികളുടെ ക്ഷേമം ഉറപ്പുവരുത്താനും ‘Sidharthan Anti Ragging & Student Welfare Act’ നടപ്പാക്കും.
- ബിരുദധാരികള്ക്ക് വേഗത്തില് ജോലി ലഭിക്കാന് സഹായിക്കുന്ന ബ്രിഡ്ജ് പ്രോഗ്രാമുകളും കോഴ്സുകളും നടപ്പിലാക്കും.
- അക്കാദമിക് വിഷയങ്ങള് അമിത രാഷ്ട്രീയ ഇടപെടല് ഒഴിവാക്കാന് അക്കാദമിക് കൗണ്സില് രൂപീകരിക്കും.
- 2036 – ലെ ഒളിംപിക്സില് മത്സരിക്കാന് പ്രാപ്തിയുള്ള കായികതാരങ്ങളെ വാര്ത്തെടുക്കാന് വിഷന് 2036 നടപ്പിലാക്കും.
- ചികിത്സാ ചെലവ് (Out of Pocket Expenditure) കുറച്ച് കൊണ്ടു വരാന് സര്ക്കാര് ഇടപെടും.
- കാസര്കോട്, ഇടുക്കി, വയനാട്, മഞ്ചേരി മെഡിക്കല് കോളേജുകളുടെ ശോചനീയാവസ്ഥ പരിഹരിക്കും. തിരുവനന്തപുരത്തെ രണ്ടാം മെഡിക്കല് കോളേജ് പ്രവര്ത്തനക്ഷമമാക്കും. ഹരിപ്പാട് ഒരു പുതിയ മെഡിക്കല് കോളേജ് സ്ഥാപിക്കും.
- കാരുണ്യ ആരോഗ്യസുരക്ഷാ പദ്ധതിയിലെ കുടിശിക ഘട്ടം ഘട്ടമായി തീര്ത്ത് പദ്ധതിയുടെ കാര്യക്ഷമത ഉറപ്പുവരുത്തും.
- ആദിവാസി മേഖലയിലെ ജനങ്ങളുടെ ആരോഗ്യ പരിപാലനത്തിന് ട്രൈബല് ഹെല്ത്ത് ക്ലസ്റ്ററുകളും തീരദേശ മേഖലയില് കോസ്റ്റല് കെയര് യൂണിറ്റുക ളും സ്ഥാപിച്ച് ചികിത്സ ഉറപ്പാക്കും.
- എസ്എംഎ അടക്കമുള്ള അപൂര്വ്വ രോഗങ്ങള്ക്ക് മരുന്നുകള് ലഭ്യമാക്കാന് നടപടികള് സ്വീകരിക്കും.
- ഗിഗ്, ഓണ്ലൈന് പ്ലാറ്റ്ഫോം തൊഴിലാളികളുടെ ഉന്നമനത്തിനായി പ്രത്യേക പദ്ധതികള്ക്ക് രൂപം നല്കും.
- പട്ടികജാതി പട്ടികവർഗ വിഭാഗങ്ങള്ക്കായി ബജറ്റില് വകയിരുത്തിയ തുക കൃത്യമായി വിനിയോഗിക്കുന്നുണ്ടെന്നും, പദ്ധതികള് സമയബന്ധിതമായി നടപ്പിലാക്കുന്നുവെന്നും ഉറപ്പുവരുത്തുന്ന നിയമം കൊണ്ടുവരും.
- പട്ടികജാതി പട്ടികവര്ഗ്ഗ വിഭാഗങ്ങള്ക്കായി പുതിയ ഭവന നിര്മ്മാണ പദ്ധതി നടപ്പിലാക്കും.
- പട്ടികജാതി പട്ടികവര്ഗ്ഗത്തില്പ്പെട്ടവര്ക്ക് സര്ക്കാര് ജോലിയില് അര്ഹമായ പ്രാതിനിധ്യം ഉറപ്പാക്കാന് സ്പെഷ്യല് റിക്രൂട്ട്മെന്റ് നടത്തും.
- കേരളത്തെ ഭിന്നശേഷി സൗഹൃദ സംസ്ഥാനമാക്കും.
- മുന് യുഡിഎഫ് സര്ക്കാരിന്റെ കാലത്ത് കാര്യക്ഷമമായി നടപ്പിലാക്കിയ കാരുണ്യ ബെനവലന്റ് ഫണ്ട് പദ്ധതി, ശ്രുതിതരംഗം, സ്നേഹപൂര്വ്വം, സ്നേഹസ്പര്ശം, താലോലം, ക്യാന്സര് സുരക്ഷ, സ്നേഹ സാന്ത്വനം, പകല്വീട്, വയോമിത്രം, ആശ്വാസകിരണം, സുകൃതം അടക്കമുള്ള പദ്ധതികളുടെ നടത്തിപ്പ് കാര്യക്ഷമാക്കും.
- ടൈപ്പ് വണ് പ്രമേഹ ബാധിതരായ കുട്ടികള്ക്ക് ഗുണമേന്മയുള്ള ഇന്സുലിന് നല്കാനും, ബ്രിട്ടില് (Brittle) ഡയബറ്റിക്കായ കുട്ടികള്ക്ക് ഇന്സുലിന് പമ്പ് നല്കുവാനും, കൂടുതല് വെല്ലുവിളികള് നേരിടുന്ന കുട്ടികള്ക്ക് കണ്ടിന്വസ് ഗ്ലൂക്കോസ് മോണിറ്ററിംഗ് സെന്സര് (Continuous Glucose Monitoring Sensor) നല്കുവാനും നടപടി സ്വീകരിക്കും.
- ‘പുതുതലമുറ ലഹരി വസ്തുക്കള്’ ഉള്പ്പടെ എല്ലാത്തരം ലഹരി വസ്തുക്കളും തിരിച്ചറിയാനാകുന്ന വിധത്തിലുള്ള ഡ്രഗ് ഡിറ്റക്ഷന് കിറ്റുകള് എല്ലാ എക്സൈസ് ഓഫീസുകളിലും ലഭ്യമാക്കും. ഓപ്പറേഷന് തൂഫാന് വ്യാപിപ്പിക്കും.
- സംസ്ഥാന സെക്രട്ടേറിയറ്റിനെ രാജ്യത്തെ ഏറ്റവും മികച്ചതാക്കുന്നതിനുള്ള നടപടികള് സ്വീകരിക്കും.
- കുട്ടികള്ക്കെതിരെയുള്ള അതിക്രമങ്ങളോട് സീറോ ടോളറന്സ് നിലപാട് സ്വീകരിക്കും.
- സ്ത്രീകള്ക്കെതിരെയുള്ള കുറ്റകൃത്യങ്ങള് തടയാന് ‘മകള്ക്കൊപ്പം’ എന്ന പേരില് ഒരു പദ്ധതി നടപ്പിലാക്കും.
- ആര്ട്ടിസ്റ്റ് നമ്പൂതിരി ട്രസ്റ്റിന്റെ സഹായത്തോടെ കള്ച്ചറല് സെന്റര് ആന്ഡ് മ്യൂസിയം സ്ഥാപിക്കും.
- നടന് സലിംകുമാറിന് എറണാകുളത്ത് സ്മാരകം നിര്മ്മിക്കും.
- ഗസല് ഗായകനായിരുന്ന ഉമ്പായിയുടെ നാമധേയത്തില് മ്യൂസിക് അക്കാദമി സ്ഥാപിക്കും.
- ശ്രീനാരായണ ഗുരുവിന് ഡല്ഹിയില് പ്രതിമയും സാംസ്കാരിക കേന്ദ്രവും സ്ഥാപിക്കും.
- മുന് മുഖ്യമന്ത്രി ആര്. ശങ്കറിന് പട്ടത്ത് സ്മാരക മന്ദിരം നിര്മ്മിക്കും
- ചാലക്കുടിയില് പനമ്പള്ളി ഗോവിന്ദ മേനോന് സ്മാരകം നിര്മ്മിക്കുന്നതിനുള്ള നടപടികള് സ്വീകരിക്കും.
- ഉള്ളൂര് സ്മാരക ലൈബ്രറി ആന്റ് റിസര്ച്ച് ഇന്സ്റ്റിറ്റ്യൂട്ടിന് പ്രത്യേക സാമ്പത്തിക സഹായം
കഴിഞ്ഞ സര്ക്കാര് പദ്ധതി ചെലവിലെ യഥാര്ത്ഥ കണക്കുകള് മറച്ചുവയ്ക്കാന് കിഫ്ബിയുടെയും പൊതുമേഖലാ സ്ഥാപനങ്ങളുടെയും കണക്കുകള് കൂടി ഉള്പ്പെടുത്തി കബളിപ്പിക്കുകയായിരുന്നെന്ന് മുഖ്യമന്ത്രി ബജറ്റ് പ്രസംഗത്തിൽ പറഞ്ഞിരുന്നു.
Unify 3 Pieces Stainless Steel Lunch Box | Microwave Safe Leak-Proof Food Storage Containers with Lids for Office, School, Kitchen (Blue, Capacity - 600ml, 400ml, 250ml)
₹345.00 (as of June 19, 2026 14:12 GMT +05:30 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
Shining Diva Fashion 12 Pairs Set Earrings for Women Girls with Stylish Organizer Box | Valentine Birthday Rakshabandhan Gifts for Girls Girlfriend Wife Sister
₹799.00 (as of June 19, 2026 13:00 GMT +05:30 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
Young & Forever Gift Valentine Gift Poker Hearts Geometric Inspired Cubic Zirconia Silver Gold Bracelet for Women and Girls
(as of June 19, 2026 13:19 GMT +05:30 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
