ഇന്ത്യയിലെ ഏതൊരു പൗരന്റെയും ഏറ്റവും പ്രധാനപ്പെട്ട രണ്ട് രേഖകളാണ് ആധാർ കാർഡും പാൻ കാർഡും. ആധാർ തിരിച്ചറിയൽ രേഖയായി പ്രവർത്തിക്കുമ്പോൾ, രാജ്യത്തെ സാമ്പത്തിക ഇടപാടുകളുടെ അടിസ്ഥാന രേഖയാണ് പാൻ കാർഡ്. ഇവ രണ്ടും തമ്മിൽ ബന്ധിപ്പിക്കേണ്ടതിന്റെ അവസാന തീയതി ഇന്നലെയായിരുന്നു.
ലിങ്ക് ചെയ്തില്ലെങ്കിൽ എന്ത് സംഭവിക്കും?
നിശ്ചിത സമയപരിധിക്കുള്ളിൽ പാൻ കാർഡും ആധാറും ബന്ധിപ്പിക്കാത്തവരുടെ പാൻ കാർഡുകൾ പ്രവർത്തനരഹിതമാകും. ഇത് നിങ്ങളുടെ നികുതി ഫയലിംഗ്, റീഫണ്ടുകൾ, ബാങ്ക് ഇടപാടുകൾ, മറ്റ് സാമ്പത്തിക സേവനങ്ങൾ എന്നിവയെ ഗുരുതരമായി ബാധിക്കും. 1961-ലെ ആദായനികുതി നിയമത്തിലെ സെക്ഷൻ 139 AA പ്രകാരം പാൻ കൈവശമുള്ള എല്ലാവരും ഇത് ആധാറുമായി ബന്ധിപ്പിക്കൽ നിർബന്ധമാണ്. ഇനി ലിങ്ക് ചെയ്യണമെങ്കിൽ 1,000 രൂപ പിഴയായി നൽകേണ്ടി വരും.
Also Read: ‘ഗ്രോക്ക്’ വഴി മോർഫ് ചെയ്ത് ഫോട്ടോകള്; എക്സിനെതിരെ പ്രതിഷേധം
ലിങ്ക് സ്റ്റാറ്റസ് എങ്ങനെ പരിശോധിക്കാം?
ഘട്ടം 1: ആദായനികുതി വകുപ്പിന്റെ ഔദ്യോഗിക പോർട്ടലായ www.incometax.gov.in സന്ദർശിക്കുക.
ഘട്ടം 2: ഹോംപേജിലെ ‘Quick Links’ എന്ന വിഭാഗത്തിൽ നിന്നും ‘Link Aadhaar Status’ എന്ന ഓപ്ഷൻ തിരഞ്ഞെടുക്കുക.
ഘട്ടം 3: നിങ്ങളുടെ പാൻ നമ്പറും ആധാർ നമ്പറും നൽകിയ ശേഷം ‘View Link Aadhaar Status’ എന്നതിൽ ക്ലിക്ക് ചെയ്യുക.
The post പാൻ കാർഡ് ആധാറുമായി ബന്ധിപ്പിക്കാനുള്ള സമയം കഴിഞ്ഞു; ഇനി എന്ത് ചെയ്യണം? appeared first on Express Kerala.
