സമൂസ കടിച്ചപ്പോൾ കണ്ടത് ചത്ത പാറ്റയെ; സംഭവം ഇൻഡോറിൽ, കടയ്ക്കെതിരെ പരാതിയുമായി ഉപഭോക്താവ് | Indore dead cockroach samosa video

ഇൻഡോർ: വൃത്തിയുള്ളതും ആരോഗ്യകരവുമായ ഭക്ഷണത്തെക്കുറിച്ചുള്ള ചർച്ചകൾ സജീവമായിരിക്കെ, ഇൻഡോറിൽ നിന്ന് വീണ്ടും ഭക്ഷ്യസുരക്ഷാ വീഴ്ചയുടെ വാർത്ത (Indore dead cockroach samosa video). കടയിൽ നിന്നും വാങ്ങിയ സമൂസ കടിച്ചപ്പോൾ അതിനുള്ളിൽ നിന്ന് ചത്ത പാറ്റയെ കണ്ടെത്തി. ഇൻഡോറിലെ ചിക്മാംഗ്ലൂർ സ്‌ക്വയറിനടുത്തുള്ള ‘രത്‌ലം നാംകീൻ’ എന്ന പ്രശസ്തമായ കടയിൽ നിന്ന് വാങ്ങിയ സമൂസയിലാണ് പ്രാണിയെ കണ്ടെത്തിയത്.

ഭക്ഷണം കഴിക്കുന്നതിനിടെ സമൂസ പൊളിച്ചു നോക്കിയപ്പോഴാണ് അതിനുള്ളിൽ ചത്ത പാറ്റ കിടക്കുന്നത് ഉപഭോക്താവിന്റെ ശ്രദ്ധയിൽപ്പെട്ടത്. ഉടൻ തന്നെ ഇയാൾ സംഭവം മൊബൈൽ ഫോണിൽ പകർത്തി സോഷ്യൽ മീഡിയയിൽ പങ്കുവെക്കുകയായിരുന്നു. സംഭവം വിവാദമാവുകയും വീഡിയോ വ്യാപകമായി പ്രചരിക്കുകയും ചെയ്തതോടെ കടുത്ത അമർഷവും ആശങ്കയുമാണ് ജനങ്ങളിൽ ഉയർന്നിരിക്കുന്നത്.

इंदौर के रतलाम नमकीन के, समोसे में निकला कॉकरोच !

घटना सोमवार को चिकमंगलूर चौराहा स्थित श्रम शिविर के पास रतलाम नमकीन कॉर्नर की है। इंदौर निवासी पीयूष मौर्य बारिश के दौरान यहां रुके और रतलाम नमकीन से समोसा खरीदा।#indore #mpnews #madhyapradesh pic.twitter.com/sh7VXGvXL9

— ACN Bharat (@acnbharat) August 10, 2026

വീഡിയോ ശ്രദ്ധയിൽപ്പെട്ടതിനെ തുടർന്ന് ഭക്ഷ്യസുരക്ഷാ വകുപ്പ് ഉദ്യോഗസ്ഥർ ഉടൻ തന്നെ കടയിലെത്തി പരിശോധന നടത്തി. കടയിൽ നിർമ്മിച്ചിരുന്ന സമൂസ ഉൾപ്പെടെയുള്ള ഭക്ഷ്യവസ്തുക്കളുടെ സാമ്പിളുകൾ ശേഖരിച്ച് ലാബിലേക്ക് പരിശോധനയ്ക്കായി അയച്ചു. പരിശോധനാ ഫലം പുറത്തുവന്ന ശേഷമേ സ്ഥാപനത്തിന്റെ ഭാഗത്തുനിന്നുണ്ടായ വീഴ്ചയിൽ തുടർനടപടികൾ സ്വീകരിക്കുകയുള്ളൂവെന്ന് ഉദ്യോഗസ്ഥർ വ്യക്തമാക്കി. ഭക്ഷണത്തിൽ നിന്നും പാറ്റയെയും മറ്റ് പ്രാണികളെയും കണ്ടെത്തുന്ന സംഭവങ്ങൾ വർദ്ധിച്ചുവരുന്നത് ഉപഭോക്താക്കളുടെ ആരോഗ്യസുരക്ഷയെക്കുറിച്ച് വലിയ ആശങ്കയാണ് സൃഷ്ടിക്കുന്നത്.

Story Summary: A customer in Indore found a dead cockroach inside a samosa purchased from a local eatery, prompting the food safety department to collect samples and initiate an inquiry following a viral video.