വിപണിയിൽ എസ്യുവികളുടെ ആധിപത്യം തുടരുമ്പോഴും തളരാതെ സെഡാൻ വിപണിയെ നെഞ്ചിലേറ്റുകയാണ് ഇന്ത്യ. 2025 കലണ്ടർ വർഷത്തിലെ കണക്കുകൾ പുറത്തുവരുമ്പോൾ, ഏറ്റവും കൂടുതൽ വിൽക്കപ്പെട്ട കാർ എന്ന നേട്ടം മാരുതി സുസുക്കി ഡിസയർ കൈക്കലാക്കി. എസ്യുവികൾ വിപണിയുടെ 55 ശതമാനത്തോളം കൈക്കലാക്കി നിൽക്കുന്ന സാഹചര്യത്തിലാണ് ഡിസയറിന്റെ ഈ അവിശ്വസനീയമായ നേട്ടം.
കണക്കുകളിൽ ഡിസയർ തന്നെ താരം
കഴിഞ്ഞ വർഷം 2.14 ലക്ഷം യൂണിറ്റുകൾ വിറ്റഴിച്ചാണ് ഡിസയർ ഒന്നാം സ്ഥാനത്തെത്തിയത്. ഇതോടെ ഹ്യുണ്ടായ് ക്രെറ്റ, ടാറ്റ നെക്സോൺ തുടങ്ങിയ വമ്പൻമാരെ ഡിസയർ പിന്നിലാക്കി. രണ്ടാം സ്ഥാനത്തുള്ള ഹ്യുണ്ടായ് ക്രെറ്റയും മൂന്നാം സ്ഥാനത്തുള്ള ടാറ്റ നെക്സോണും 2.01 ലക്ഷം യൂണിറ്റുകൾ വീതമാണ് വിറ്റഴിച്ചത്.
Also Read: ഒരു ലിറ്ററിൽ 70 കിലോമീറ്റർ! 70,000 രൂപയിൽ താഴെ വില; പുതുവർഷത്തിൽ ഞെട്ടിച്ച് ഈ ബൈക്ക്
മാരുതിയുടെ തന്നെ വാഗൺആർ (1.94 ലക്ഷം യൂണിറ്റ്), എർട്ടിഗ (1.92 ലക്ഷം യൂണിറ്റ്) എന്നിവയാണ് നാലും അഞ്ചും സ്ഥാനങ്ങളിൽ. മാരുതി സുസുക്കിയുടെ ആകെ വിൽപ്പനയുടെ 30 ശതമാനവും എസ്യുവികളാണെങ്കിലും, സാധാരണക്കാരന്റെ പ്രിയപ്പെട്ട സെഡാനായ ഡിസയറിന് പകരം വെക്കാൻ മറ്റൊരു മോഡലില്ലെന്ന് ഈ കണക്കുകൾ തെളിയിക്കുന്നു.
The post എസ്യുവി തരംഗത്തിനിടയിലും ‘ഡിസയർ’ കുതിപ്പ്! 2025-ൽ ഇന്ത്യയുടെ പ്രിയപ്പെട്ട കാറായി മാരുതി ഡിസയർ appeared first on Express Kerala.
