7.7 തീവ്രത..! ഇന്തോനേഷ്യയിൽ ഭൂചലനത്തിൽ 47 മരണം

കിഴക്കൻ ഇന്തോനേഷ്യയിൽ അനുഭവപ്പെട്ട 7.7 തീവ്രത രേഖപ്പെടുത്തിയ ഭൂചലനത്തിൽ ഇതുവരെ 47 പേർ മരിക്കുകയും നിരവധി പേർക്ക് പരിക്കേൽക്കുകയും ഒട്ടനവധി കെട്ടിടങ്ങൾ നിലംപൊത്തുകയും ചെയ്തതായി അധികൃതർ ഔദ്യോഗികമായി സ്ഥിരീകരിച്ചു. കഴിഞ്ഞ മൂന്ന് പതിറ്റാണ്ടിനിടെ ഈ മേഖലയിൽ ഉണ്ടായ ഏറ്റവും ശക്തമായ ഭൂചലനങ്ങളിൽ ഒന്നാണിത്.

യു.എസ് ജിയോളജിക്കൽ സർവേയുടെ കണക്കുപ്രകാരം ജക്കാർത്തയിൽ നിന്ന് ഏകദേശം 1,000 മൈൽ കിഴക്കും ഫ്ലോറസ് ദ്വീപിന് തൊട്ടു വടക്കുമായാണ് ഭൂചലനത്തിന്റെ പ്രഭവകേന്ദ്രം സ്ഥിതി ചെയ്യുന്നത്. പ്രാദേശിക തലസ്ഥാനമായ എൻഡെയിൽ നിന്ന് ഏകദേശം 42 മൈൽ വടക്കുപടിഞ്ഞാറായാണ് ഇത് രേഖപ്പെടുത്തിയത്. ഇതിനു പിന്നാലെ 6.1 തീവ്രതയുള്ള തുടർചലനം ഉൾപ്പെടെ നിരവധി തുടർചലനങ്ങൾ ഉണ്ടാവുകയും, വരും ദിവസങ്ങളിലും കൂടുതൽ ചലനങ്ങൾക്ക് സാധ്യതയുണ്ടെന്ന് അധികൃതർ മുന്നറിയിപ്പ് നൽകുകയും ചെയ്തിട്ടുണ്ട്. ദുരന്തനിവാരണ ഏജൻസി സ്ഥിതിഗതികൾ സസൂക്ഷ്മം നിരീക്ഷിച്ചുവരികയാണ്.

ALSO READ;ഇന്ത്യൻ നാണയങ്ങളുടെ വലിപ്പം കുറഞ്ഞതിന് പിന്നിലെന്ത്?

ആദ്യം സുനാമി മുന്നറിയിപ്പ് പുറപ്പെടുവിച്ചെങ്കിലും പിന്നീട് ആ ഭീഷണി ഒഴിഞ്ഞതായി അധികൃതർ വ്യക്തമാക്കി. എങ്കിലും വലിയ സുനാമിയോ മറ്റൊരു ശക്തമായ ഭൂചലനമോ ഉടൻ ഉണ്ടാകുമെന്ന തരത്തിലുള്ള വ്യാജ പ്രചാരണങ്ങളിൽ ജനം വഞ്ചിതരാകരുതെന്നും സോഷ്യൽ മീഡിയയിലെ കിംവദന്തികൾ വിശ്വസിക്കരുതെന്നും കർശന നിർദ്ദേശം നൽകിയിട്ടുണ്ട്. മരണസംഖ്യ ഇനിയും ഉയരാൻ സാധ്യതയുണ്ടെന്നാണ് സൂചനകൾ വ്യക്തമാക്കുന്നത്.

പസഫിക് സമുദ്രത്തിലെ ‘റിങ് ഓഫ് ഫയർ’ മേഖലയിൽ സ്ഥിതി ചെയ്യുന്ന ഇന്തോനേഷ്യയിൽ ഭൂചലനങ്ങളും അഗ്നിപർവത സ്ഫോടനങ്ങളും പതിവാണ്. 2018-ൽ 7.5 തീവ്രതയുള്ള ഭൂചലനത്തിലും സുനാമിയിലും ഇവിടെ രണ്ടായിരത്തിലധികം പേർ ജീവൻ വെടിഞ്ഞിരുന്നു.

The post 7.7 തീവ്രത..! ഇന്തോനേഷ്യയിൽ ഭൂചലനത്തിൽ 47 മരണം appeared first on Express Kerala.