പരമ്പര കൈവിട്ടു; ഇംഗ്ലണ്ടിനെതിരായ തോൽവിക്ക് പിന്നാലെ പാകിസ്ഥാൻ ടീമിൽ വൻ അഴിച്ചുപണി നടത്തി പിസിബി

ഇംഗ്ലണ്ടിനെതിരായ ടെസ്റ്റ് പരമ്പരയിലെ കനത്ത തോൽവിക്ക് പിന്നാലെ അസാധാരണ നടപടികളുമായി പാകിസ്ഥാൻ ക്രിക്കറ്റ് ബോർഡ് (പിസിബി) രംഗത്ത്. പരമ്പരയിലെ ആദ്യ രണ്ട് മത്സരങ്ങളും തോറ്റ് കൈവിട്ടതിന് പിന്നാലെ, ടീമിലെ ഏഴ് പ്രമുഖ താരങ്ങളെയും പരിശീലകരെയും പാകിസ്ഥാൻ ക്രിക്കറ്റ് ബോർഡ് അടിയന്തരമായി നാട്ടിലേക്ക് തിരികെ വിളിച്ചു.

മുഹമ്മദ് റിസ്‌വാൻ, സൽമാൻ അലി ആഘ, ഇമാം ഉൾ ഹഖ്, അലി ഉസ്മാൻ, ആമിർ ജമാൽ, മുഹമ്മദ് അവൈസ് സഫർ, ഖുറം ഷഹ്‌സാദ് തുടങ്ങിയ പ്രധാന താരങ്ങളെയാണ് പരമ്പര അവസാനിക്കുന്നതിന് മുൻപ് ടീമിൽ നിന്ന് ഒഴിവാക്കിയത്. മുതിർന്ന താരങ്ങൾക്ക് പകരം യുവതാരങ്ങളെ അവസാന മത്സരത്തിനായി ഉൾപ്പെടുത്തിയിട്ടുണ്ടെങ്കിലും, ഈ കടുത്ത തീരുമാനം ക്രിക്കറ്റ് ലോകത്ത് വലിയ ചർച്ചയായിട്ടുണ്ട്.

Also Read: ലോകത്തിന്റെ നെറുകയിലേക്ക് തെലങ്കാന; അഹമ്മദാബാദിനെയും കടത്തിവെട്ടി ഹൈദരാബാദിൽ ലോകത്തിലെ ഏറ്റവും വലിയ സ്റ്റേഡിയം!

താരങ്ങൾക്ക് പുറമെ കോച്ചിങ് സ്റ്റാഫിലും പിസിബി വലിയ മാറ്റങ്ങൾ വരുത്തി. ഹെഡ് കോച്ചായിരുന്ന സർഫറാസ് അഹമ്മദിനെ മാറ്റി പകരം മൈക്ക് ഹെസനെ ചുമതലയേൽപ്പിച്ചു. കൂടാതെ ബൗളിങ് കോച്ചായി ആഷ്‌ലി നോഫ്കെയെയും നിയമിച്ചു. ആദ്യ ടെസ്റ്റിൽ ഇന്നിങ്സിനും 103 റൺസിനും, രണ്ടാം ടെസ്റ്റിൽ 194 റൺസിനും തോറ്റതിനെത്തുടർന്നാണ് പിസിബി ഈ കർശന നടപടികൾ സ്വീകരിച്ചിരിക്കുന്നത്.

The post പരമ്പര കൈവിട്ടു; ഇംഗ്ലണ്ടിനെതിരായ തോൽവിക്ക് പിന്നാലെ പാകിസ്ഥാൻ ടീമിൽ വൻ അഴിച്ചുപണി നടത്തി പിസിബി appeared first on Express Kerala.