വാട്സ്ആപ്പ് ഗ്രൂപ്പ് അനുഭവങ്ങൾ മെച്ചപ്പെടുത്തുന്നതിനായി മൂന്ന് സുപ്രധാന ഫീച്ചറുകൾ മെറ്റ അവതരിപ്പിച്ചു. ഗ്രൂപ്പിലെ അംഗങ്ങളെ തിരിച്ചറിയാൻ സഹായിക്കുന്ന മെമ്പർ ടാഗ്, ടൈപ്പ് ചെയ്യുന്ന വാക്കുകളെ സ്റ്റിക്കറുകളാക്കുന്ന ടെക്സ്റ്റ് സ്റ്റിക്കർ, കൃത്യമായ ഇവന്റ് റിമൈൻഡറുകൾ എന്നിവയാണ് പുതുതായി എത്തിയത്. ഘട്ടം ഘട്ടമായി എല്ലാ ഉപഭോക്താക്കളിലേക്കും ഈ സേവനങ്ങൾ എത്തും. വാട്സ്ആപ്പ് ഗ്രൂപ്പുകളുടെ പ്രവർത്തനം ലളിതമാക്കാനും അംഗങ്ങൾക്ക് കാര്യങ്ങൾ വേഗത്തിൽ മനസ്സിലാക്കാനും ലക്ഷ്യമിട്ടാണ് ഈ പുത്തൻ പരിഷ്കാരങ്ങൾ. ലാർജ് ഫയൽ ഷെയറിംഗ്, എച്ച്ഡി മീഡിയ, സ്ക്രീൻ ഷെയറിംഗ്, വോയിസ് ചാറ്റ് തുടങ്ങിയ ഫീച്ചറുകൾക്ക് പിന്നാലെയാണ് ഗ്രൂപ്പ് ചാറ്റുകളെ അടിമുടി മാറ്റുന്ന ഈ മൂന്ന് സവിശേഷതകൾ കൂടി മെറ്റ അവതരിപ്പിക്കുന്നത്. നിലവിൽ ലഭ്യമായിത്തുടങ്ങിയ ഈ ഫീച്ചറുകൾ വരും ദിവസങ്ങളിൽ ഘട്ടം ഘട്ടമായി എല്ലാ ഉപഭോക്താക്കളിലേക്കും എത്തും.
പുതിയ ഫീച്ചറുകൾ
1. മെമ്പർ ടാഗ്
ഗ്രൂപ്പിലെ ഓരോ അംഗത്തിനും അവരുടെ റോളുകൾ രേഖപ്പെടുത്താൻ ഇനി സാധിക്കും. ഉദാഹരണത്തിന്, ഒരു സ്പോർട്സ് ഗ്രൂപ്പിൽ ക്യാപ്റ്റൻ എന്നോ, സ്കൂൾ ഗ്രൂപ്പുകളിൽ കുട്ടിയുടെ പേരോ ടാഗായി നൽകാം. ഇത് ഗ്രൂപ്പ് ചാറ്റുകളിൽ മെസേജ് അയക്കുന്നത് ആരാണെന്ന് വേഗത്തിൽ തിരിച്ചറിയാൻ സഹായിക്കും. ഓരോ ഗ്രൂപ്പിലും വ്യത്യസ്ത ടാഗുകൾ ഉപയോഗിക്കാമെന്നതും പ്രത്യേകതയാണ്. ഒരു ഗ്രൂപ്പിൽ നൽകുന്ന ടാഗ് ആ ഗ്രൂപ്പിൽ മാത്രമായിരിക്കും കാണാൻ സാധിക്കുക. മറ്റ് ഗ്രൂപ്പുകളിൽ നിങ്ങൾക്ക് ഇഷ്ടമുള്ള വേറെ ടാഗുകൾ നൽകാൻ സാധിക്കും. ഗ്രൂപ്പിലെ അംഗങ്ങൾ പരസ്പരം അറിയാത്ത സാഹചര്യങ്ങളിൽ പോലും, അവരുടെ റോൾ (ഉദാഹരണത്തിന്: അഡ്മിൻ, മോഡറേറ്റർ, കോർഡിനേറ്റർ) നോക്കി കാര്യങ്ങൾ എളുപ്പത്തിൽ മനസ്സിലാക്കാൻ ഇത് സഹായിക്കും.
Also Read: കെട്ടിടങ്ങൾക്കും ഇനി ‘ഡിജിറ്റൽ സ്റ്റാർ റേറ്റിംഗ്’; ഏജൻസിയെ നിയമിച്ച് ട്രായ്
2. ടെക്സ്റ്റ് സ്റ്റിക്കറുകൾ
നമ്മൾ ടൈപ്പ് ചെയ്യുന്ന വാക്കുകളെ നേരിട്ട് സ്റ്റിക്കറുകളാക്കി മാറ്റാനുള്ള സൗകര്യമാണിത്. ഇഷ്ടമുള്ള ടെക്സ്റ്റുകൾ സ്റ്റിക്കറുകളാക്കി അയക്കാനും അവ സ്റ്റിക്കർ പാക്കുകളിൽ സേവ് ചെയ്യാനും സാധിക്കും. ഇത് ചാറ്റിംഗിനെ കൂടുതൽ ക്രിയേറ്റീവ് ആക്കും.
3. ഇവന്റ് റിമൈൻഡറുകൾ
ഗ്രൂപ്പുകളിൽ മീറ്റിംഗുകളോ പരിപാടികളോ പ്ലാൻ ചെയ്യുമ്പോൾ അംഗങ്ങൾക്ക് മുൻകൂട്ടി അറിയിപ്പ് നൽകാൻ കസ്റ്റമൈസ്ഡ് റിമൈൻഡർ സെറ്റ് ചെയ്യാം. പ്രധാനപ്പെട്ട കാര്യങ്ങൾ ഗ്രൂപ്പംഗങ്ങൾ മറന്നുപോകാതിരിക്കാൻ ഇത് സഹായിക്കും.
വാട്സ്ആപ്പ് ഗ്രൂപ്പുകളിലെ ആശയവിനിമയം കൂടുതൽ എളുപ്പമാക്കാനും കാര്യക്ഷമമാക്കാനുമാണ് ഈ പുതിയ മാറ്റങ്ങൾ. അംഗങ്ങളെ വേഗത്തിൽ തിരിച്ചറിയാനും പ്രധാനപ്പെട്ട കാര്യങ്ങൾ മറക്കാതിരിക്കാനും ഈ ഫീച്ചറുകൾ സഹായിക്കും. വരും ദിവസങ്ങളിൽ എല്ലാ ഉപഭോക്താക്കൾക്കും ഈ സൗകര്യങ്ങൾ ഉപയോഗിച്ചു തുടങ്ങാം.
The post ഗ്രൂപ്പ് ചാറ്റുകൾ ഇനി കൂടുതൽ ഉഷാറാകും; വാട്സ്ആപ്പിൽ പുത്തൻ ഫീച്ചറുകൾ! appeared first on Express Kerala.
