ഹൈപ്പർ ഒഎസ് 2.0, 5,520mAh ബാറ്ററി; പോക്കോയുടെ പുതിയ എം8 5ജി ഫോൺ വിപണിയിലേക്ക്!

സ്മാർട്ട്‌ഫോൺ പ്രേമികൾ കാത്തിരുന്ന പോക്കോ എം8 5ജി ഇന്ത്യയിൽ ലോഞ്ച് ചെയ്തു. 6.77 ഇഞ്ച് 3D കർവ്ഡ് ഡിസ്‌പ്ലേ, 50 മെഗാപിക്സൽ ക്യാമറ, കൂറ്റൻ ബാറ്ററി എന്നിവയാണ് ഫോണിന്റെ പ്രധാന ആകർഷണങ്ങൾ. 21,999 രൂപ മുതലാണ് ഇന്ത്യയിൽ ഫോണിന്റെ വില ആരംഭിക്കുന്നത്.

പ്രധാന സവിശേഷതകൾ

ക്വാൽകോം സ്‌നാപ്ഡ്രാഗൺ 6 ജെൻ 3 ചിപ്‌സെറ്റിൽ പ്രവർത്തിക്കുന്ന ഫോണിൽ ഷവോമിയുടെ ഏറ്റവും പുതിയ ഹൈപ്പർ ഒഎസ് 2.0 ആണുള്ളത്. 120 ഹെർട്‌സ് റിഫ്രഷ് റേറ്റും 3,200 നിറ്റ്‌സ് ബ്രൈറ്റ്‌നസും സ്ക്രീനിന് മികച്ച തെളിച്ചം നൽകുന്നു. 8 ജിബി വരെ റാമും 256 ജിബി സ്റ്റോറേജും ഫോണിലുണ്ട്. 4 വർഷത്തെ ഒഎസ് അപ്‌ഡേറ്റുകളും 6 വർഷത്തെ സെക്യൂരിറ്റി അപ്‌ഡേറ്റുകളും പോക്കോ വാഗ്ദാനം ചെയ്യുന്നു.

Also Read: ആയുധം കാട്ടി പേടിപ്പിക്കലല്ല, ഒളിപ്പിച്ചു വെച്ച് പണികൊടുക്കലാണ് ‘പുടിൻ സ്റ്റൈൽ’! റഡാറുകളെ കണ്ണുകെട്ടും, ശത്രുവിനെ ചാരമാക്കും…

ക്യാമറയും ബാറ്ററിയും

50 എംപി പ്രൈമറി ക്യാമറയും 20 എംപി സെൽഫി ക്യാമറയുമാണ് ഫോണിലുള്ളത്. 4K വീഡിയോ റെക്കോർഡിംഗ് സൗകര്യവുമുണ്ട്. 45 വാട്‌സ് ഫാസ്റ്റ് ചാർജിംഗ് പിന്തുണയുള്ള 5,520 mAh ബാറ്ററിയാണ് ഇതിൽ ഉൾപ്പെടുത്തിയിരിക്കുന്നത്. പൊടിയെയും വെള്ളത്തെയും പ്രതിരോധിക്കാൻ IP65, IP66 റേറ്റിംഗും ഫോണിനുണ്ട്.

വിലയും ലഭ്യതയും

ജനുവരി 13 മുതൽ ഫ്ലിപ്കാർട്ട് വഴി ഫോൺ വിൽപനയ്‌ക്കെത്തും.

6GB + 128GB: ₹21,999

8GB + 128GB: ₹22,999

8GB + 256GB: ₹24,999

The post ഹൈപ്പർ ഒഎസ് 2.0, 5,520mAh ബാറ്ററി; പോക്കോയുടെ പുതിയ എം8 5ജി ഫോൺ വിപണിയിലേക്ക്! appeared first on Express Kerala.