“ഓപ്പറേഷൻ തണ്ടർ – നിയർ സ്കൂൾ” : കൊല്ലത്ത് സ്കൂൾ പരിസരത്ത് നിന്നും വൻ നിരോധിത പുകയില ശേഖരം പിടികൂടി. എക്സൈസ് സ്ക്വാഡ് നടത്തിയ പരിശോധനയിലാണ് 5 ചാക്ക് നിരോധിത പുകയില ഉൽപ്പന്നങ്ങൾ പിടിച്ചെടുത്തു. പ്രതി പിടിയിൽ
Current: മലയാളം
കൊല്ലം: സ്കൂൾ പരിസരങ്ങളിൽ നിരോധിത പുകയില ഉൽപ്പന്നങ്ങളുടെ വിൽപ്പന തടയുന്നതിനായി എക്സൈസ് നടപ്പിലാക്കുന്ന “ഓപ്പറേഷൻ തണ്ടർ – നിയർ സ്കൂൾ” പദ്ധതിയുടെ ഭാഗമായി കൊല്ലത്ത് വൻ പുകയില ശേഖരം പിടികൂടി. കൊല്ലം എക്സൈസ് സ്ക്വാഡ് നടത്തിയ പരിശോധനയിലാണ് 5 ചാക്ക് നിരോധിത പുകയില ഉൽപ്പന്നങ്ങൾ പിടിച്ചെടുത്തത്.
കൊല്ലം എക്സൈസ് സ്ക്വാഡിലെ എക്സൈസ് ഇൻസ്പെക്ടർ എസ്.ബി. വിജയകുമാറിന്റെ നേതൃത്വത്തിൽ നീണ്ടകര ഭാഗത്ത് നടത്തിയ പരിശോധനയിലാണ് പുകയില ഉൽപ്പന്നങ്ങൾ കണ്ടെത്തിയത്.
നീണ്ടകര, എസ്.എൻ മന്ദിരം വീട്ടിൽ വിനോദിന്റെ വീട്ടിലെ രഹസ്യമുറിയിൽ നിന്നാണ് ഇവ പിടിച്ചെടുത്തത്.
പിടിച്ചെടുത്ത പുകയില ഉൽപ്പന്നങ്ങൾക്ക് വിപണിയിൽ ഏകദേശം ഒരു ലക്ഷം രൂപ വിലവരുമെന്ന് എക്സൈസ് വ്യക്തമാക്കി. കരുനാഗപ്പള്ളി, തഴവ മേഖലകളിലെ റീട്ടെയിൽ വിതരണത്തിനായി എത്തിച്ചതാണ് ഈ ശേഖരമെന്നും എക്സൈസ് അറിയിച്ചു. സംഭവത്തിൽ വിനോദിനെതിരെ സിഒടിപിഎ നിയമപ്രകാരം കേസെടുത്തിട്ടുണ്ട്.
