മരണത്തിലും മാതൃകയായി രാധാകൃഷ്ണൻ പോറ്റി: 6 പേർക്ക് പുതുജീവൻ നൽകി മടക്കം, കൊല്ലം സ്വദേശിയുടെ അവയവങ്ങൾ ദാനം ചെയ്യുന്നു | Organ Donation Kerala

തിരുവനന്തപുരം: സംസ്ഥാനത്ത് വീണ്ടും മാതൃകാപരമായ മരണാനന്തര അവയവദാനം. കൊല്ലം സ്വദേശിയായ രാധാകൃഷ്ണൻ പോറ്റിയുടെ അവയവങ്ങളാണ് ബന്ധുക്കളുടെ സമ്മതത്തോടെ ദാനം ചെയ്യുന്നത്. രണ്ട് വൃക്കകളും ലിവറും ഉൾപ്പെടെ അഞ്ച് അവയവങ്ങളാണ് ദാനം നൽകുന്നത്.(Organ Donation Kerala Radhakrishnan Potti donates organs to give life to six people)

ആറുപേർക്ക് പുതുജീവിതത്തിന്റെ വെളിച്ചം സമ്മാനിച്ചാണ് അദ്ദേഹം മടങ്ങുന്നത്. ദാനം ചെയ്യുന്ന ഒരു വൃക്ക കോട്ടയം സർക്കാർ മെഡിക്കൽ കോളേജിലെ രോഗിക്കാണ് നൽകുക. തിരുവനന്തപുരം കിംസ് ആശുപത്രിയിൽ നിന്നും കോട്ടയം മെഡിക്കൽ കോളേജിലേക്ക് എത്രയും വേഗം വൃക്ക എത്തിക്കുന്നതിനായി പ്രത്യേക ‘ഗ്രീൻ കൊറിഡോർ’ പാത സജ്ജമാക്കുമെന്ന് അധികൃതർ അറിയിച്ചു.

മസ്തിഷ്കത്തിലെ രക്തസ്രാവമാണ് മരണകാരണം. ഈ മാസം 21-നാണ് രാധാകൃഷ്ണൻ പോറ്റിയെ ആശുപത്രിയിൽ പ്രവേശിപ്പിച്ചത്. ചികിത്സയിൽ കഴിയവെ ഇന്നലെ വൈകുന്നേരത്തോടെ മസ്തിഷ്ക മരണം സ്ഥിരീകരിക്കുകയായിരുന്നു.

Story Summary

In a noble act of organ donation, six people will receive a new lease of life through the donated organs of Radhakrishnan Potti, a native of Kollam who suffered brain death. The Kerala government has arranged a green corridor to transport a kidney from KIMS Hospital Trivandrum to Kottayam Medical College.