അമ്മയുടെ ആശങ്ക ഒഴിവാക്കാനായി പറയാതെ ജപ്പാനിലേക്ക് വിമാനം കയറി: ഒടുവിൽ ഏഷ്യൻ ഗെയിംസിൽ വെങ്കലം നേടി ചരിത്രം കുറിച്ച് സീമ കുമാരി | Seema Wins Bronze

ന്യൂഡൽഹി: ഏഷ്യൻ ഗെയിംസ് വനിതകളുടെ 10,000 മീറ്റർ ഓട്ടത്തിൽ അപ്രതീക്ഷിത വെങ്കല മെഡൽ നേടി ഇന്ത്യയുടെ അഭിമാനമായി മാറിയ ലോംഗ് ഡിസ്റ്റൻസ് റണ്ണർ സീമയുടെ നേട്ടത്തിന് പിന്നിൽ സ്നേഹത്തിന്റെയും ത്യാഗത്തിന്റെയും കഥ. വിദേശ യാത്രകളെ കുറിച്ച് കേൾക്കുമ്പോൾ അമിതമായി ആശങ്കപ്പെടുന്ന എഴുപത്തെട്ടുകാരിയായ അമ്മയെ പേടിച്ചാണ് താൻ ഏഷ്യൻ ഗെയിംസിനായി ജപ്പാനിലേക്ക് പുറപ്പെട്ട കാര്യം പറയാതിരുന്നതെന്ന് താരം വെളിപ്പെടുത്തി.(Seema Wins Bronze In Asian Games 10000m Race After Keeping Japan Trip Secret From Mother)

ബെംഗളൂരുവിലെ ലൊക്കേഷനിൽ തന്നെയെന്നാണ് അമ്മയോട് പറഞ്ഞിരുന്നതെന്നും ചേച്ചിയോടാണ് യാത്രാവിവരങ്ങൾ പങ്കുവെച്ചതെന്നും 32:50.05 സെക്കൻഡിൽ ഫിനിഷ് ചെയ്ത് വെങ്കലം നേടിയ 25-കാരി പറഞ്ഞു. പ്രീജ ശ്രീധരൻ, കവിത റൗട്ട് (2010 ഏഷ്യൻ ഗെയിംസ്) എന്നിവർക്ക് ശേഷം 10,000 മീറ്ററിൽ ഏഷ്യൻ ഗെയിംസ് മെഡൽ നേടുന്ന മൂന്നാമത്തെ മാത്രം ഇന്ത്യൻ താരമാണ് ഹിമാചൽ പ്രദേശിലെ ചമ്പ സ്വദേശിയായ സീമ.

പന്ത്രണ്ടാം വയസ്സിൽ പിതാവ് മരിച്ചതോടെ കന്നുകാലികളെ മേയിച്ചും കാലിൽ ചെരിപ്പില്ലാതെ ഓടിയുമാണ് സീമ ബാല്യം കഴിച്ചുകൂട്ടിയത്. നാട്ടുകാരിൽ നിന്ന് എതിർപ്പുകൾ ഉയർന്നിട്ടും ഓട്ടത്തിലെ താല്പര്യത്തെ അമ്മ പിന്തുണയ്ക്കുകയായിരുന്നു. അമ്മയ്ക്ക് രക്തസമ്മർദ്ദമുള്ളതിനാലാണ് വിദേശ യാത്രകളെക്കുറിച്ച് പറയാത്തത്. ഏഷ്യൻ ഗെയിംസ് പോലൊരു വേദിയിൽ വെങ്കലം നേടാൻ കഴിഞ്ഞതിൽ അതിയായ സന്തോഷമുണ്ടെന്നും, സെപ്റ്റംബർ 28-ന് നടക്കുന്ന 5000 മീറ്ററിൽ മെഡലിന്റെ നിറം മാറ്റാൻ പരമാവധി ശ്രമിക്കുമെന്നും സീമ കൂട്ടിച്ചേർത്തു.

Story Summary

Indian long-distance runner Seema made history by winning a bronze medal in the women’s 10,000m race at the Asian Games without informing her 78-year-old mother about her trip to Nagoya to prevent her from worrying. Hailing from a humble background in Himachal Pradesh, Seema overcome childhood hardships to become only the third Indian woman to win an Asian Games medal in this event, with her sights now set on the 5000m race.