‘പ്രതിപക്ഷ പ്രതിഷേധങ്ങൾക്ക് വഴങ്ങി ഗ്യാനേഷ് കുമാർ രാജിവയ്ക്കരുത്’: കേന്ദ്രമന്ത്രി രാംദാസ് അത്താവലെ | Ramdas Athawale

ന്യൂഡൽഹി: എസ് ഐ ആറുമായി ബന്ധപ്പെട്ട പ്രതിപക്ഷ പ്രതിഷേധങ്ങൾക്ക് വഴങ്ങി ചീഫ് ഇലക്ഷൻ കമ്മീഷണർ ഗ്യാനേഷ് കുമാർ രാജിവെക്കരുതെന്ന് കേന്ദ്രമന്ത്രി രാംദാസ് അത്താവലെ. സുതാര്യമായ വോട്ടർപട്ടിക തയ്യാറാക്കുന്നതിനെ എതിർക്കുന്നത് ജനാധിപത്യ സംവിധാനത്തെ തന്നെ എതിർക്കുന്നതിന് തുല്യമാണെന്ന് അദ്ദേഹം പറഞ്ഞു.(Ramdas Athawale Backs CEC Gyanesh Kumar Reject Opposition Resignation Demand)

തിരഞ്ഞെടുപ്പ് കമ്മീഷൻ സ്വതന്ത്രവും നിഷ്പക്ഷവുമായ ഭരണഘടനാ സ്ഥാപനമാണ്. സുതാര്യമായ തിരഞ്ഞെടുപ്പ് ഉറപ്പാക്കാൻ കമ്മീഷനെ അതിന്റെ ചുമതലകൾ നിർവഹിക്കാൻ അനുവദിക്കണം. ഇലക്ഷൻ കമ്മീഷണർമാർ തമ്മിൽ അഭിപ്രായവ്യത്യാസങ്ങളൊന്നുമില്ലെന്നും, വോട്ടർപട്ടികയിലെ ഇരട്ടിപ്പുകളും മരിച്ചവരുടെ പേരുകളും നീക്കം ചെയ്യേണ്ടത് അത്യന്താപേക്ഷിതമാണെന്നും അത്താവലെ കൂട്ടിച്ചേർത്തു.

സി.ഇ.സിയുടെ രാജി ആവശ്യപ്പെടുന്ന പാർട്ടികളെ പരിഹസിച്ച അദ്ദേഹം, നിരന്തരം രാജി ആവശ്യപ്പെടുന്ന ഇവർ പേര് ‘രാജിനമാ ജനതാ പാർട്ടി’ എന്ന് മാറ്റുന്നതാണ് നല്ലതെന്നും പരിഹസിച്ചു. മുൻപ് കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ്റെ രാജി ആവശ്യപ്പെട്ട കാര്യവും അത്താവലെ ചൂണ്ടിക്കാട്ടി.

Story Summary

Union Minister Ramdas Athawale backed Chief Election Commissioner Gyanesh Kumar over the Special Intensive Revision (SIR) controversy, asserting that he should not resign under Opposition pressure. He stated that opposing transparent electoral rolls is an opposition to the democratic system itself and defended the Election Commission’s functioning.