കൊല്ലം ശക്തികുളങ്ങര ഹാർബറിലെ സെപ്റ്റിക് ടാങ്കിൽനിന്ന് അസ്ഥികൂടവും തലയോട്ടിയും കണ്ടെത്തി. ടാങ്ക് വൃത്തിയാക്കുന്നതിനിടെയാണ് തൊഴിലാളികൾ അസ്ഥികൾ കണ്ടത്. ശാസ്ത്രീയ പരിശോധനകൾക്ക് ശേഷമേ കൂടുതൽ വിവരങ്ങൾ വ്യക്തമാകൂ
കൊല്ലം: ശക്തികുളങ്ങര ഹാർബറിലെ സെപ്റ്റിക് ടാങ്കിൽനിന്ന് അസ്ഥികൂടവും തലയോട്ടിയും കണ്ടെത്തി. ടാങ്ക് വൃത്തിയാക്കുകയായിരുന്ന തൊഴിലാളികളാണ് കണ്ടത്. ശക്തികുളങ്ങര പൊലീസ് സ്ഥലത്തെത്തി പ്രാഥമികപരിശോധനയിൽ അസ്ഥികൾ മൃഗത്തിന്റേതാകാമെന്ന് ആദ്യം സംശയിച്ചു.
വെറ്ററിനറി സർജൻ സ്ഥലത്തെത്തി പരിശോധിച്ചതിൽ അസ്ഥികൾ മൃഗത്തിന്റേതല്ലെന്ന് വ്യക്തമായി. ഇതോടെ കൂടുതൽ പരിശോധന നടത്തി. തുടർന്നുള്ള തിരച്ചിലിലാണ് ടാങ്കിൽ നിന്ന് തലയോട്ടിയും കണ്ടെത്തിയത്. ശാസ്ത്രീയ പരിശോധനകൾ പൂർത്തിയായാൽ മാത്രമേ കൂടുതൽ വിവരങ്ങൾ ലഭ്യമാകൂ.
Get more updates from Pudukad News on Google




