ഇന്ത്യ-ന്യൂസിലാൻഡ് ഏകദിന പരമ്പരയ്ക്ക് ഇന്ന് വഡോദരയിൽ ആവേശകരമായ തുടക്കം. രോഹിത് ശർമ, വിരാട് കോഹ്ലി എന്നീ ഇതിഹാസ താരങ്ങൾ കളിക്കാനിറങ്ങുന്നതിന്റെ ആവേശത്തിലാണ് ആരാധകർ. ഉച്ചകഴിഞ്ഞ് 1.30-നാണ് ആദ്യ മത്സരം ആരംഭിക്കുക. മൂന്ന് മത്സരങ്ങളാണ് ഈ പരമ്പരയിലുള്ളത്.
കാത്തിരിക്കുന്നത് രോഹിത്തിന്റെ ലോക റെക്കോർഡ് അന്താരാഷ്ട്ര ക്രിക്കറ്റിൽ ഏറ്റവും കൂടുതൽ സിക്സറുകൾ അടിച്ച താരമെന്ന റെക്കോർഡ് ഇതിനോടകം തന്നെ രോഹിത് ശർമയുടെ പേരിലാണ്. ഇതുവരെ 648 സിക്സറുകൾ പറത്തിയ രോഹിത്തിന് രണ്ട് സിക്സറുകൾ കൂടി നേടിയാൽ 650 സിക്സറുകൾ എന്ന മാന്ത്രിക സംഖ്യ തികയ്ക്കുന്ന ലോകത്തിലെ ആദ്യ താരമാകാം. 553 സിക്സറുകളുമായി ക്രിസ് ഗെയ്ലും 476 സിക്സറുകളുമായി ഷാഹിദ് അഫ്രീദിയുമാണ് രോഹിത്തിന് പിന്നിലുള്ളത്. ഏകദിനത്തിൽ മാത്രം ഏറ്റവും കൂടുതൽ സിക്സറുകൾ എന്ന അഫ്രീദിയുടെ റെക്കോർഡ് അടുത്തിടെ രോഹിത് മറികടന്നിരുന്നു.
Also Read: മൈതാനത്ത് വേദന കൊണ്ട് പുളഞ്ഞ് പന്ത്! ആരാധകരെ കണ്ണീരിലാഴ്ത്തി ആ വാർത്ത; സഞ്ജു സാംസൺ ടീമിലേക്ക്?
ടീം വിവരങ്ങൾ ശുഭ്മാൻ ഗിൽ നയിക്കുന്ന ഇന്ത്യൻ നിരയിൽ രോഹിത്, കോഹ്ലി, ശ്രേയസ് അയ്യർ, കെ.എൽ രാഹുൽ തുടങ്ങിയ കരുത്തുറ്റ താരങ്ങളുണ്ട്. മൈക്കൽ ബ്രേസ്വെൽ നയിക്കുന്ന ന്യൂസിലാൻഡ് നിരയിൽ ഡെവൺ കോൺവേ, ഗ്ലെൻ ഫിലിപ്സ്, ഡാരിൽ മിച്ചൽ തുടങ്ങിയവരാണ് പ്രധാനികൾ. ഏകദിന പരമ്പരയ്ക്ക് ശേഷം അഞ്ച് മത്സരങ്ങളടങ്ങിയ ടി-20 പരമ്പരയും നടക്കും.
The post ക്രിക്കറ്റ് ചരിത്രം തിരുത്താൻ രോഹിത് ശർമ്മ! 650 സിക്സറുകൾ എന്ന ലോക റെക്കോർഡിന് അരികിൽ ഹിറ്റ്മാൻ appeared first on Express Kerala.
