ധ്രുവ് റാഠിക്കെതിരെ എട്ടുവർഷം പഴക്കമുള്ള മാനനഷ്ടക്കേസിൽ സമൻസ് അയച്ച് ഡൽഹി കോടതി; ബിജെപി ഐടി സെല്ലുമായി ബന്ധപ്പെട്ട കേസ് 17ന് വീണ്ടും പരിഗണിക്കും

ന്യൂഡൽഹി: ബിജെപിയുടെ കണ്ണിലെ കരടായ ധ്രുവ്‌ റാഠിക്ക്‌ എട്ടുവർഷംമുമ്പുള്ള കേസിൽ സമൻസ്‌ അയച്ച്‌ ഡൽഹി സാകേത്‌ കോടതി. ബിജെപി ഐടി സെല്ലുമായി ബന്ധപ്പെട്ട മാനനഷ്ടക്കേസിലാണ്‌ നടപടി. 

വർഷങ്ങളായി വിദേശത്തുകഴിയുന്ന റാഠി തലസ്ഥാനത്തെത്തിയെന്ന പരാതിക്കാരനായ ബിജെപി നേതാവിന്റെ വാദം പരിഗണിച്ചാണ് ഉത്തരവ്. കേസ് 17-ന് വീണ്ടും പരിഗണിക്കും.

2018 മേയിൽ പ്രസിദ്ധീകരിച്ച ‘ബിജെപി ഐടി സെൽ പാർട്ട് 2′ എന്ന വീഡിയോയെ വിമർശിച്ചതാണ്‌ ബിജെപിയെ ചൊടിപ്പിച്ചത്‌. റാഠിയുടെ പ‍ൗരത്വം അന്വേഷിക്കണമെന്നാവശ്യപ്പെട്ട്‌ ആഭ്യന്തര മന്ത്രാലയത്തിന്‌ ബിജെപി പരാതി നൽകിയിരുന്നു. ജന്തർമന്തർ സമരത്തിനുമുന്നോടിയായി ഹരിയാനയിലെ വീട്ടിലേക്ക്‌ ഇരച്ചുകയറി കസ്റ്റഡിയിലെടുക്കുകയുംചെയ്തു.