അഭിജീത് ദിപ്‌കെയ്ക്ക് ജാമ്യം; ഉപാധികളോടെ മോചനം | Abhijeet Dipke granted conditional bail
Current: മലയാളം
ന്യൂഡൽഹി: ഡൽഹിയിൽ അറസ്റ്റിലായ സിജെപി പ്രതിനിധി അഭിജീത് ദീപ്‌കെയ്ക്ക് ജാമ്യം ലഭിച്ചു. ഉപാധികളോടെയാണ് ജാമ്യം അനുവദിച്ചിരിക്കുന്നത്. ജാമ്യത്തിനായി ബോണ്ട് സമർപ്പിക്കേണ്ടതുണ്ടെന്നാണ് ലഭ്യമായ വിവരം. എന്നാൽ ജാമ്യത്തിന്റെ മറ്റ് ഉപാധികൾ സംബന്ധിച്ച വിശദാംശങ്ങൾ വ്യക്തമായിട്ടില്ല. (Abhijeet Dipke granted conditional bail)
‘ലഹ്റാ ദോ തിരംഗ’ റാലിക്ക് മുന്നോടിയായി വെള്ളിയാഴ്ചയാണ് അഭിജീത് ദീപ്‌കെയെയും എഐഎസ്എ (AISA) ദേശീയ അധ്യക്ഷ നെഹ ബോറയെയും മുൻകരുതൽ നടപടികളുടെ ഭാഗമായി അറസ്റ്റ് ചെയ്തത്. ഭാരതീയ നാഗരിക് സുരക്ഷാ സംഹിതയിലെ (BNSS) 163-ാം വകുപ്പ് പ്രകാരമുള്ള നിരോധനാജ്ഞ ലംഘിച്ചെന്നാരോപിച്ചായിരുന്നു പൊലീസിന്റെ നടപടി.
വെള്ളിയാഴ്ച ന്യൂഡൽഹിയിലെ കണോട്ട് പ്ലേസിലും സമീപപ്രദേശങ്ങളിലും നിരോധനാജ്ഞ നിലനിൽക്കെ ആളുകൾ ഒത്തുകൂടിയതുമായി ബന്ധപ്പെട്ട് ഒന്നിലധികം എഫ്‌ഐആറുകൾ രജിസ്റ്റർ ചെയ്തതായി ഡൽഹി പൊലീസ് അറിയിച്ചു. നിരോധനാജ്ഞ ലംഘിക്കുന്നവർക്കെതിരെ തുടർനടപടികൾ സ്വീകരിക്കുമെന്നും പൊലീസ് വ്യക്തമാക്കിയിരുന്നു.
Summary: CJP representative Abhijeet Dipke has been granted conditional bail following his arrest in Delhi ahead of the planned ‘Lehra Do Tiranga’ rally. A bond is required, but the other bail conditions have not yet been clarified.
