‘പ്രതിഷേധങ്ങൾ കൊണ്ട് കാര്യമില്ല, ജനക്ഷേമത്തിൽ ശ്രദ്ധ കേന്ദ്രീകരിക്കണം’: രാഹുൽ ഗാന്ധിയെയും പ്രതിപക്ഷത്തെയും വിമർശിച്ച് അമിത് ഷാ | Amit Shah

ന്യൂഡൽഹി : തെരുവു സമരങ്ങളും പ്രതിഷേധങ്ങളും കൊണ്ട് യാതൊരു കാര്യവുമില്ലെന്നും, ജനക്ഷേമ പ്രവർത്തനങ്ങളിൽ രാഷ്ട്രീയ നേതാക്കൾ ശ്രദ്ധ കേന്ദ്രീകരിക്കണമെന്നും കേന്ദ്ര ആഭ്യന്തര മന്ത്രി അമിത് ഷാ. ഡൽഹിയിൽ 8,941 കോടി രൂപയുടെ ഡൽഹി ജൽ ബോർഡ് (DJB) പദ്ധതികളുടെ ഉദ്ഘാടനവും ശിലാസ്ഥാപന ചടങ്ങും നിർവഹിച്ച് സംസാരിക്കുകയായിരുന്നു അദ്ദേഹം.(Amit Shah Slams Opposition Over Vote Theft Allegations)

തിരഞ്ഞെടുപ്പുകളിൽ പരാജയപ്പെടുമ്പോൾ ‘വോട്ട് ചോർച്ച’ ആരോപിക്കുന്ന കോൺഗ്രസിനെയും ആം ആദ്മി പാർട്ടിയെയും അമിത് ഷാ രൂക്ഷമായി വിമർശിച്ചു. ജനങ്ങളുടെ വിധിയെ ‘രാഷ്ട്രീയ തന്ത്രങ്ങളും ആൾക്കൂട്ട രാഷ്ട്രീയവും’ ഉപയോഗിച്ച് എതിർക്കാനാവില്ലെന്നും, തിരഞ്ഞെടുപ്പിൽ വിജയിക്കണമെങ്കിൽ ജനങ്ങൾക്കിടയിലേക്ക് ഇറങ്ങി അവരുടെ പ്രശ്നങ്ങൾ മനസ്സിലാക്കണമെന്നും അദ്ദേഹം ഓർപ്പിച്ചു.

ബി.ജെ.പി. അടുത്ത 30 വർഷം അധികാരത്തിൽ തുടരുമെന്ന് ആവർത്തിച്ച അദ്ദേഹം, പ്രതിപക്ഷത്തിന്റെ നിഷേധാത്മക രാഷ്ട്രീയമാണ് അവരെ അധികാരത്തിൽ നിന്ന് അകറ്റി നിർത്തുന്നതെന്നും കുറ്റപ്പെടുത്തി. ഡൽഹിയിലെ യമുനാ നദി മാലിന്യമുക്തമാക്കുന്നതുൾപ്പെടെയുള്ള പദ്ധതികൾ 2029 മെയ് മാസത്തിനകം പൂർത്തിയാക്കുമെന്നും അമിത് ഷാ വ്യക്തമാക്കി.

Story Summary

Union Home Minister Amit Shah criticized the Congress and AAP over allegations of vote tampering, stating that “protests and demonstrations achieve nothing” and urging opposition parties to focus on public governance. Speaking at the inauguration of Yamuna revival projects in New Delhi worth nearly ₹9,000 crore, Shah asserted that the BJP will remain in power for 30 years due to the opposition’s negative politics, while promising a clean Yamuna river by May 2029.