‘അർണബ്’ ചുഴലിക്കാറ്റ്: ഒഡീഷയിലും ആന്ധ്രയിലും അതീവ ജാഗ്രത; സ്കൂളുകൾക്ക് അവധി, മത്സ്യബന്ധനത്തിന് വിലക്ക് | Cyclone Arnab

ഭുവനേശ്വർ : ബംഗാൾ ഉൾക്കടലിൽ രൂപംകൊണ്ട ‘അർണബ്’ അതിതീവ്ര ചുഴലിക്കാറ്റ് ബുധനാഴ്ച രാവിലെ കരതൊടുമെന്ന മുന്നറിയിപ്പിനെ തുടർന്ന് കിഴക്കൻ തീര സംസ്ഥാനങ്ങളായ ഒഡീഷയിലും ആന്ധ്രപ്രദേശിലും തീവ്ര ജാഗ്രത. മുൻകരുതൽ നടപടികളുടെ ഭാഗമായി സ്കൂളുകൾക്ക് അവധി പ്രഖ്യാപിക്കുകയും കടലിൽ പോകുന്നത് പൂർണ്ണമായി വിലക്കുകയും ചെയ്തിട്ടുണ്ട്.(Cyclone Arnab Landfall Warning Andhra Pradesh Odisha Shut Schools Fishing Ban)

ജീവഹാനി തടയുക, അടിസ്ഥാന സൗകര്യങ്ങൾക്കുണ്ടാകുന്ന നാശനഷ്ടങ്ങൾ പരമാവധി കുറയ്ക്കുക എന്നിവയാണ് ലക്ഷ്യമെന്ന് കേന്ദ്ര-സംസ്ഥാന സർക്കാരുകൾ വ്യക്തമാക്കി. കിഴക്കൻ മധ്യ ബംഗാൾ ഉൾക്കടലിലും തെക്കുകിഴക്കൻ ബംഗാൾ ഉൾക്കടലിലും രൂപപ്പെട്ട കടുത്ത തീവ്രന്യൂനമർദ്ദം പടിഞ്ഞാറോട്ട് നീങ്ങി അർണബ് ചുഴലിക്കാറ്റായി ശക്ത പ്രാപിച്ചതായി കേന്ദ്ര കാലാവസ്ഥാ വകുപ്പ് അറിയിച്ചു.

ആന്ധ്രപ്രദേശിലെ ബാപ്പറ്റ്‌ലയ്ക്കും വിശാഖപട്ടണത്തിനും ഇടയിലുള്ള തീരദേശങ്ങളിലൂടെയും യാനത്തിലൂടെയും അർണബ് കരയിലേക്ക് കടക്കാൻ സാധ്യതയുണ്ട്. കരതൊടുമ്പോൾ മണിക്കൂറിൽ 115 മുതൽ 125 കിലോമീറ്റർ വരെ വേഗതയിൽ ശക്തിയേറിയ കാറ്റ് വീശിയടിക്കും. ചില സമയങ്ങളിൽ കാറ്റിന്റെ വേഗത 140 കിലോമീറ്റർ വരെ ഉയർന്നേക്കാം. ദേശീയ ദുരന്തനിവാരണ സേനയെയും (NDRF) സംസ്ഥാന ദുരന്തനിവാരണ സേനകളെയും ജാഗ്രതാനിർദ്ദേശം നൽകി സജ്ജമാക്കി നിർത്തിയിട്ടുണ്ട്.

Story Summary 

Odisha and Andhra Pradesh closed schools and banned fishing ahead of severe Cyclone Arnab’s expected landfall on Wednesday, aiming for zero casualties. According to IMD, Cyclone Arnab will cross the Andhra Pradesh coast between Bapatla and Visakhapatnam with wind speeds reaching up to 140 kmph.