ചേരാനല്ലൂര്‍ വാഹനാപകടം; സിഡിആര്‍ ഉള്‍പ്പെടെയുള്ള സാങ്കേതിക തെളിവുകള്‍ ശേഖരിച്ച് അന്വേഷണസംഘം
Current: മലയാളം
കൊച്ചി: ചേരാനല്ലൂര്‍ വാഹനാപകടത്തില്‍ കൂടുതല്‍ സാങ്കേതിക തെളിവുകള്‍ ശേഖരിച്ച് അന്വേഷണസംഘം.
അപകടം നടന്ന ദിവസത്തെ സിസിടിവി ദൃശ്യങ്ങള്‍, അപകട സമയത്തെ 17-കാരന്റെയും പിതാവിന്റെയും ഉള്‍പ്പെടെയുള്ളവരുടെ കാള്‍ ഡീറ്റൈല്‍ റെക്കോര്‍ഡ് ഉള്‍പ്പടെയാണ് ക്രൈംബ്രാഞ്ച് സംഘം പരിശോധിക്കുന്നത്.
17-കാരന്റെ പിതാവായ ജില്ലാ ജഡ്ജി റിനോ ഫ്രാന്‍സിസിനെ കഴിഞ്ഞ രണ്ട് ദിവസങ്ങളിലായി അന്വേഷണസംഘം മണിക്കൂറുകളോളം ചോദ്യം ചെയ്തിരുന്നു.
തുടരന്വേഷണത്തിന് ഭാഗമായി ആവശ്യമുണ്ടെങ്കില്‍ മാത്രം ജഡ്ജിയെ ഇനിയും വിളിപ്പിക്കാമെന്നാണ് അന്വേഷണസംഘത്തിന്റെ തീരുമാനം
അതേസമയം, ജഡ്ജിയുടെ മുന്‍കൂര്‍ ജാമ്യാപേക്ഷ പരിഗണിച്ച കോടതി അദ്ദേഹത്തിന്റെ അറസ്റ്റ് തടഞ്ഞിരുന്നു.
റിനോ ഫ്രാന്‍സിസ് ജുഡീഷ്യല്‍ ഓഫീസറാണെന്നും അന്വേഷണവുമായി സഹകരിക്കുന്നുണ്ടെന്നും കോടതി ചൂണ്ടിക്കാട്ടി.
കുറ്റകൃത്യത്തില്‍ തനിക്ക് നേരിട്ട് പങ്കില്ലെന്നും 17-കാരനായ മകന്‍ വാഹനം എടുത്ത് പുറത്തേക്ക് പോയതിനെ കുറിച്ച് അറിവില്ലെന്നുമായിരുന്നു ജഡ്ജിയുടെ പ്രധാന വാദം. ഇതേത്തുടര്‍ന്നാണ് അറസ്റ്റ് തടഞ്ഞത്.
