ഒക്ടോബറിൽ നിസ്സാൻ ഇന്ത്യയുടെ ആഭ്യന്തര മൊത്തവ്യാപാരത്തിൽ 50% വളർച്ച | Nissan India sales

കൊച്ചി: ഒക്ടോബർ മാസത്തിൽ ആഭ്യന്തര മൊത്തവ്യാപാരത്തിൽ 50 ശതമാനം വാർഷിക വളർച്ച രേഖപ്പെടുത്തി നിസ്സാൻ മോട്ടോർ ഇന്ത്യ പ്രൈവറ്റ് ലിമിറ്റഡ് (Nissan India sales). കഴിഞ്ഞ വർഷം ഇതേ കാലയളവിൽ 2,402 യൂണിറ്റായിരുന്ന വിൽപ്പന ഈ വർഷം 3,600 യൂണിറ്റായി ഉയർന്നു. തുടർച്ചയായ എട്ടാം മാസമാണ് കമ്പനി വാർഷിക ആഭ്യന്തര വളർച്ച കൈവരിക്കുന്നത്.

2026 ജനുവരി മുതൽ ഒക്ടോബർ വരെയുള്ള കാലയളവിൽ ആഭ്യന്തര, കയറ്റുമതി വിപണികളിലായി ആകെ 85,124 യൂണിറ്റുകളുടെ മൊത്തവ്യാപാരമാണ് കമ്പനി രേഖപ്പെടുത്തിയത്. ഒക്ടോബറിൽ മാത്രം 4,710 യൂണിറ്റുകൾ കയറ്റുമതി ചെയ്തതായും നിസ്സാൻ അറിയിച്ചു.

പുതിയ നിസ്സാൻ ടെക്റ്റൺ, മാഗ്നൈറ്റ്, ഗ്രാവൈറ്റ് തുടങ്ങിയ മോഡലുകൾ ഉൾപ്പെടുന്ന വികസിച്ചുകൊണ്ടിരിക്കുന്ന ഉൽപ്പന്ന നിരയും ഡീലർ ശൃംഖലയുടെ വിപുലീകരണവുമാണ് വളർച്ചയ്ക്ക് പ്രധാന കാരണങ്ങളായി കമ്പനി ചൂണ്ടിക്കാട്ടുന്നത്.

Story Summary:
Nissan Motor India reported 50% year-on-year growth in domestic wholesale sales in October, with volumes rising to 3,600 units from 2,402 units in the same month last year. This marks the company’s eighth consecutive month of annual domestic growth. Its combined domestic and export wholesale volume reached 85,124 units between January and October 2026, while October exports stood at 4,710 units.