രാജ്യത്തിന് ദീപാവലി ആശംസകൾ നേർന്ന് പ്രധാനമന്ത്രി നരേന്ദ്ര മോദി: ഇത്തവണയും ആഘോഷം സൈനികർക്കൊപ്പം | PM Modi

ന്യൂഡൽഹി: ദീപാവലി ആഘോഷിക്കുന്ന എല്ലാ രാജ്യവാസികൾക്കും ഹൃദയം നിറഞ്ഞ ആശംസകൾ നേർന്ന് പ്രധാനമന്ത്രി നരേന്ദ്ര മോദി. “രാജ്യത്തെ എന്റെ കുടുംബാംഗങ്ങൾക്കെല്ലാം അതിരറ്റ ദീപാവലി ആശംസകൾ” എന്ന് അദ്ദേഹം സോഷ്യൽ മീഡിയ പ്ലാറ്റ്‌ഫോമായ എക്‌സിൽ കുറിച്ചു. ഇരുളിനെതിരെയുള്ള രാജ്യത്തിന്റെ കൂട്ടായ നിശ്ചയദാർഢ്യത്തിന്റെ പ്രതീകമാണ് ദീപാവലിയെന്ന് വീഡിയോടെ സന്ദേശത്തിലൂടെ അദ്ദേഹം വ്യക്തമാക്കി.(PM Modi Extends Diwali Greetings To Nation Celebrates With Soldiers)

എല്ലാ വർഷത്തെയും പോലെ ഇത്തവണയും തന്റെ ദീപാവലി ആഘോഷം രാജ്യത്തിന്റെ കാവൽഭടന്മാരായ ധീരസൈനികർക്കൊപ്പമായിരിക്കുമെന്നും പ്രധാനമന്ത്രി അറിയിച്ചു.”നിങ്ങളെപ്പോലെ തന്നെ ഞാനും എപ്പോഴും വലിയ ആവേശത്തോടെയാണ് ദീപാവലി ആഘോഷിക്കുന്നത്. അതിർത്തിയിലെ നമ്മുടെ ജവാന്മാർക്കൊപ്പം ഈ ദിവസം ചെലവഴിക്കുക എന്നത് എന്റെ ഒരു പതിവായി മാറിയിട്ടുണ്ട്. ഇത്തവണയും ആ പരമ്പര ഞാൻ തുടരും,” എന്ന് അദ്ദേഹം പറഞ്ഞു.

എന്നാൽ ഇത്തവണ ഏത് സൈനിക ക്യാമ്പിലാണ് ആഘോഷങ്ങളെന്നും എവിടെയാണ് പോകുന്നതെന്നും പ്രധാനമന്ത്രി മുൻകൂട്ടി വെളിപ്പെടുത്തിയിട്ടില്ല.

Story Summary

Prime Minister Narendra Modi extended warm Diwali greetings to the nation, calling the festival a symbol of collective resolve against darkness. Continuing his long-standing annual tradition, PM Modi announced that he will be celebrating Diwali alongside Indian soldiers.