വൈക്കം: വെച്ചൂർ-തണ്ണീർമുക്കം റോഡിലുണ്ടായ വാഹനാപകടത്തിൽ പത്തനംതിട്ട സ്വദേശിനിയായ യുവതിക്ക് ദാരുണാന്ത്യം. പത്തനംതിട്ട മല്ലപ്പള്ളി ആനിക്കാട് വെള്ളിയാമ്മാവ് പാറോലിക്കൽ പി.എ. വർഗീസിന്റെ മകൾ സ്മിത സാറാ വർഗീസ് (44) ആണ് മരിച്ചത്. ബുധനാഴ്ച ഉച്ചയ്ക്ക് രണ്ട് മണിയോടെ അംബിക മാർക്കറ്റ് ജങ്ഷന് സമീപമായിരുന്നു അപകടം സംഭവിച്ചത്.
തണ്ണീർമുക്കം ബണ്ട് ഭാഗത്തുനിന്നു വെച്ചൂർ ഭാഗത്തേക്ക് വരികയായിരുന്ന സ്മിത, വഴി ചോദിക്കാനായി ബണ്ട് റോഡ് ജങ്ഷനിൽ ബൈക്ക് നിർത്തിയിരുന്നു. ഇതേസമയം തൊട്ടുപിന്നാലെ സ്റ്റോപ്പിൽ ആളുകളെ കയറ്റാനായി നിർത്തിയിട്ടിരുന്ന കെഎസ്ആർടിസി ബസ് മുന്നോട്ട് എടുക്കുകയും റോഡിലേക്ക് കയറിയ സ്മിതയുടെ ബൈക്കിൽ ഇടിക്കുകയുമായിരുന്നു. ബസിന്റെ മുൻവശം തട്ടിയാണ് അപകടമുണ്ടായത്.
ഗുരുതരമായി പരിക്കേറ്റ സ്മിതയെ ഉടൻ തന്നെ നാട്ടുകാർ ചേർന്ന് ഇടയാഴത്തെ കുടുംബാരോഗ്യ കേന്ദ്രത്തിൽ എത്തിച്ചെങ്കിലും ജീവൻ രക്ഷിക്കാനായില്ല. നിലവിൽ മൃതദേഹം വൈക്കം താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. വൈക്കം പോലീസ് സ്ഥലത്തെത്തി മേൽനടപടികൾ സ്വീകരിച്ചു.
The post വൈക്കത്ത് കെഎസ്ആർടിസി ബസ് ബൈക്കിലിടിച്ച് പത്തനംതിട്ട സ്വദേശിനി മരിച്ചു appeared first on Express Kerala.
