ഡിജിറ്റൽ വിവര കൈമാറ്റത്തിന് കുവൈത്ത് എണ്ണ മന്ത്രാലയവും കെ.ജി.ഒ.സി.യും തമ്മിൽ കരാർ ഒപ്പുവെച്ചു

കുവൈത്ത് സിറ്റി: ഇലക്ട്രോണിക് സംവിധാനങ്ങൾ പരസ്പരം ബന്ധിപ്പിക്കുന്നതിനും സുരക്ഷിതമായ ഡാറ്റാ കൈമാറ്റത്തിനും ലക്ഷ്യമിട്ട് കുവൈത്ത് എണ്ണ മന്ത്രാലയവും കുവൈത്ത് ഗൾഫ് ഓയിൽ കമ്പനിയും (KGOC) സഹകരണ കരാറിൽ ഒപ്പുവെച്ചു.

എണ്ണ മന്ത്രാലയ അണ്ടർസെക്രട്ടറി ഷെയ്ഖ് ഡോ. നിമ്ര് ഫഹദ് അൽ-മാലിക് അൽ-സബാഹ്, കുവൈത്ത് ഗൾഫ് ഓയിൽ കമ്പനി ചീഫ് എക്സിക്യൂട്ടീവ് ഓഫീസർ (സി.ഇ.ഒ) ബദർ അൽ-മുനീഫി എന്നിവരാണ് കരാറിൽ ഒപ്പുവെച്ചത്.

ധനകാര്യ-ഭരണനിർവഹണ മേഖലകളിൽ ഡിജിറ്റൽ പരിവർത്തനം (Digital Transformation) വേഗത്തിലാക്കുക, വിവര വിനിമയം സുഗമവും കൂടുതൽ സുരക്ഷിതവുമാക്കുക എന്നിവയാണ് കരാറിന്റെ പ്രധാന ലക്ഷ്യം. ഇരു സ്ഥാപനങ്ങളിലെയും സംവിധാനങ്ങൾ തമ്മിൽ നേരിട്ട് ബന്ധിപ്പിക്കുന്നതിലൂടെ എണ്ണ മേഖലയിലെ ഔദ്യോഗിക പ്രവർത്തനങ്ങളിൽ കൂടുതൽ കാര്യക്ഷമതയും സുതാര്യതയും കൊണ്ടുവരാൻ സാധിക്കുമെന്നാണ് വിലയിരുത്തൽ.