കുൽഗാം CRPF ചെക്ക്‌പോസ്റ്റ് ആക്രമണം: പിന്നിൽ ലഷ്കർ-ഇ-തൊയ്ബയെന്ന് സൂചന, LeT കമാൻഡർ മുഹമ്മദ് ലത്തീഫ് ഭട്ട് സുരക്ഷാ ഏജൻസികളുടെ നിരീക്ഷണത്തിൽ | Lashkar Commander
ശ്രീനഗർ: ജമ്മു കശ്മീരിലെ കുൽഗാമിൽ ബുധനാഴ്ച സിആർപിഎഫ് ചെക്ക്‌പോസ്റ്റിന് നേരെയുണ്ടായ ഭീകരാക്രമണത്തിന് പിന്നിൽ ലഷ്കർ-ഇ-തൊയ്ബ പ്രാദേശിക കമാൻഡർ മുഹമ്മദ് ലത്തീഫ് ഭട്ടിന് പങ്കുണ്ടെന്ന് സംശയം. മൂന്ന് സിആർപിഎഫ് ജവാന്മാർക്ക് പരിക്കേറ്റ ഈ ആക്രമണം ആസൂത്രണം ചെയ്തത് വിദേശ ഭീകരർക്കൊപ്പം പ്രവർത്തിക്കുന്ന ഭട്ട് ആണെന്നാണ് സുരക്ഷാ ഏജൻസികളുടെ പ്രാഥമിക നിഗമനം.(Lashkar Commander Mohammad Lateef Bhat Under Scanner For Kulgam CRPF Checkpoint Attack)
ജമ്മു കശ്മീർ ലെഫ്റ്റനന്റ് ഗവർണർ മനോജ് സിൻഹ ഒരു സാംസ്കാരിക പരിപാടിയിൽ പങ്കെടുക്കാൻ കുൽഗാം സന്ദർശിച്ച അതേ ദിവസമാണ് ഭീകരാക്രമണം ഉണ്ടായതെന്നത് സുരക്ഷാ ഏജൻസികൾ ഗൗരവത്തോടെയാണ് കാണുന്നത്. ദക്ഷിണ കശ്മീരിൽ ഈ വർഷം മുഹമ്മദ് ലത്തീഫ് ഭട്ടുമായി ബന്ധപ്പെട്ട് റിപ്പോർട്ട് ചെയ്യപ്പെടുന്ന മൂന്നാമത്തെ ഭീകരാക്രമണമാണിത്.
കഴിഞ്ഞ ജൂലൈയിൽ കുൽഗാമിലും അനന്ത്‌നാഗിലുമായി നടന്ന രണ്ട് ഭീകരാക്രമണങ്ങൾക്ക് പിന്നിലും ഇയാളുടെ പങ്കുണ്ടെന്ന് സംശയിക്കുന്നു. അന്നത്തെ ആക്രമണങ്ങളിൽ ഒരു പോലീസ് ഹെഡ് കോൺസ്റ്റബിളിനും ഇതര സംസ്ഥാനക്കാരായ രണ്ട് തൊഴിലാളികൾക്കും ജീവൻ നഷ്ടമായിരുന്നു. ആക്രമണത്തിന് പിന്നാലെ പ്രദേശത്ത് സുരക്ഷാ സേന വ്യാപകമായ തിരച്ചിൽ ആരംഭിച്ചിട്ടുണ്ട്.
Story Summary
Lashkar-e-Taiba local commander Mohammad Lateef Bhat is under the radar of security agencies for allegedly orchestrating Wednesday’s attack on a CRPF checkpoint in Kulgam that injured three jawans. Operating alongside foreign terrorists, Bhat is linked to three terror strikes in South Kashmir this year, with the latest occurring on the same day Lieutenant Governor Manoj Sinha visited the district.
