ചാവക്കാട് : വഴിയോരക്കച്ചവട തൊഴിലാളി യൂണിയൻ എഐടിയുസി ഗുരുവായൂർ മണ്ഡലം കമ്മിറ്റി പുതിയ ഭാരവാഹികളെ തിരഞ്ഞെടുത്തു. മണ്ഡലം കൺവെൻഷൻ ജില്ലസെക്രട്ടറി ടി ആർ ബാബുരാജ് ഉദ്ഘാടനം ചെയ്തു. ടി പി അലി അധ്യക്ഷത വഹിച്ചു. ഇ പി മുഹമ്മദ് യാസർ സ്വാഗതം പറഞ്ഞു. എഐടിയുസി മണ്ഡലം സെക്രട്ടറി സതീന്ദ്രൻ, ഷംസു അമ്പലത്ത്, സിപിഐ ലോക്കൽ സെക്രട്ടറി ശിവൻ എന്നിവർ പ്രസംഗിച്ചു. ടി പി അലിയെ പ്രസിഡന്റായുംഇ പി മുഹമ്മദ് യാസറിനെ സെക്രട്ടറിയായും ട്രഷറർ ആയി ഉസ്ബത്തിനെയും തിരഞ്ഞെടുത്തു.
