ഇരിങ്ങാലക്കുട : ഭാരതീയ വിദ്യാഭവനിൽ 9, 11 ക്ലാസ്സുകളിലെ കുട്ടികൾക്കായി കരിയർ ഗൈഡൻസ് സെമിനാർ നടന്നു.
ബിർള ഇൻസ്റ്റിറ്റ്യൂട്ട് ഓഫ് ടെക്നോളജി ആൻഡ് സയൻസ്, പിലാനിയിൽ (ബിറ്റ്സ് പിലാനി) നിന്ന് എംടെക് ബിരുദവും പിഎച്ച്ഡിയും നേടിയ പ്രശസ്ത കരിയർ ഗൈഡൻസ് വിദഗ്ധൻ ഡോ. എ. സുരേന്ദ്രൻ സെമിനാർ നയിച്ചു.
ഭാവിയിലെ പഠന, തൊഴിൽ സാധ്യതകളെക്കുറിച്ച് അറിവ് നൽകാനും തീരുമാനങ്ങളെടുക്കാനുമുള്ള ഉൾക്കാഴ്ച പകരാനും സെമിനാറിന് കഴിഞ്ഞു.
സെക്രട്ടറി വി. രാജൻ, പ്രിൻസിപ്പൽ ബിജു ഗീവർഗ്ഗീസ്, വൈസ് പ്രിൻസിപ്പൽ ഗിരിജ മേനോൻ എന്നിവർ സന്നിഹിതരായിരുന്നു.
