പുസ്തക പ്രകാശനവും പുസ്തക ചർച്ചയും നടത്തി

ഇരിങ്ങാലക്കുട : സംഗമസാഹിതി ഇരിങ്ങാലക്കുടയുടെയും മഹാത്മാഗാന്ധി ലൈബ്രറിയുടെയും ആഭിമുഖ്യത്തിൽ ഇരിങ്ങാലക്കുട ബാബുരാജിന്റെ ‘സീതമാർ ചിന്തിക്കുന്നത്’എന്ന പുസ്തകത്തിന്റെ പ്രകാശനവും ഷൈജൻ കോമ്പരുപറമ്പിലിന്റെ ‘എലിസബത്ത്’ എന്ന നോവലിന്റെ ചർച്ചയും നടന്നു.

കവി സെബാസ്റ്റ്യൻ ദേശീയ അധ്യാപക അവാർഡ് ജേതാവ് പി.കെ. ഭരതൻ മാസ്റ്റർക്ക് “സീതമാർ ചിന്തിക്കുന്നത്” എന്ന പുസ്തകത്തിന്റെ കോപ്പി നൽകി പ്രകാശനം നിർവഹിച്ചു.

ഡോ. സുഭാഷിണി മഹാദേവൻ അധ്യക്ഷത വഹിച്ചു.

അഡ്വ. അജയകുമാർ, ജബീറ ബീഗം, കെ. സുധാകരൻ, രാധാകൃഷ്ണർ കിഴുത്താണി, റെനി ബേബി എന്നിവർ ആശംസകൾ നേർന്നു.

പുസ്തക ചർച്ച പ്രൊഫ. സാവിത്രി ലക്ഷ്മണൻ ഉദ്ഘാടനം ചെയ്തു.

ജോസ് മഞ്ഞില അധ്യക്ഷത വഹിച്ചു. എ.വി. കൃഷ്ണകുമാർ, ആന്റണി കൈതാരത്ത്, കൃഷ്ണകുമാർ മാപ്രാണം, രാധാകൃഷ്ണൻ വെട്ടത്ത്, കാട്ടൂർ രാമചന്ദ്രൻ, അരുൺ ഗാന്ധിഗ്രാം, വിജയൻ ചിറ്റേക്കാട്ടിൽ, ലാൽ ഭാസ്കരൻ, ഇരിങ്ങാലക്കുട ബാബുരാജ്, ഷൈജൻ കോമ്പരുപറമ്പിൽ, കെ.എസ്. സുമിഷ എന്നിവർ പ്രസംഗിച്ചു.