ഇന്ധന വില നിയന്ത്രിക്കണം എന്നാവശ്യപ്പെട്ട് കാറളത്ത് പ്രതിഷേധ പ്രകടനം നടത്തി കോൺഗ്രസ്

ഇരിങ്ങാലക്കുട : കോൺഗ്രസ് കാറളം മണ്ഡലം കമ്മിറ്റിയുടെ നേതൃത്വത്തിൽ നിരന്തരം വർധിക്കുന്ന ഇന്ധന വില നിയന്ത്രിക്കണം എന്നാവശ്യപ്പെട്ട് പ്രതിഷേധ പ്രകടനം നടത്തി.

കാറളത്ത് നടന്ന പ്രതിഷേധ മാർച്ച് മണ്ഡലം കോൺഗ്രസ് കമ്മിറ്റി പ്രസിഡൻ്റ് ബാസ്റ്റിൻ ഫ്രാൻസിസ് ഉദ്ഘാടനം ചെയ്തു.

പഞ്ചായത്ത് മെമ്പർമാരായ കെ.ബി. ഷമീർ, പ്രീത ടീച്ചർ, ബ്ലോക്ക് കോൺഗ്രസ് കമ്മിറ്റി സെക്രട്ടറിമാരായ വേണു കുട്ടശാംവീട്ടിൽ, പി.എസ്. മണികണ്ഠൻ, ശശികുമാർ കല്ലട, സജീഷ് ജോസഫ്, അനിരുദ്ധൻ കൊല്ലയിൽ, മഹിള കോൺഗ്രസ് മണ്ഡലം പ്രസിഡൻ്റ് വിനീത, ഐഎൻടിയുസി മണ്ഡലം പ്രസിഡൻ്റ് ബിജോയ് നെല്ലിപ്പറമ്പിൽ, മണ്ഡലം കോൺഗ്രസ് വൈസ് പ്രസിഡൻ്റുമാരായ സി.ജി. ഷാബു, ബിജു ആലപ്പാടൻ, ജോയ് നടക്കലാൻ, ഉണ്ണി കൈതവളപ്പിൽ എന്നിവർ പങ്കെടുത്തു.