പുസ്തക ചർച്ച സംഘടിപ്പിച്ചു

ഇരിങ്ങാലക്കുട : വായനപക്ഷാചരണത്തിന്റെ ഭാഗമായി പുല്ലൂർ ഗ്രാമീണ വായനശാലയിൽ പുസ്തക ചർച്ച സംഘടിപ്പിച്ചു.

എഴുത്തുകാരനും ചലച്ചിത്ര സംവിധായകനുമായ സോഹൻ റോയ് രചിച്ച കസ്തൂരി ശലഭം എന്ന പുസ്തകത്തെ ആസ്പദമാക്കിയായിരുന്നു ചർച്ച സംഘടിപ്പിച്ചത്. മുൻ മന്ത്രി ഡോ. ആർ. ബിന്ദു പുസ്തക ചർച്ച ഉദ്ഘാടനം ചെയ്തു.

തിരക്കഥാകൃത്തും ദേശീയ അധ്യാപക അവാർഡ് ജേതാവുമായ പി.കെ. ഭരതൻ മാസ്റ്റർ പുസ്തക പരിചയം നടത്തി.

പി.ബി. അസീന ടീച്ചർ, മുകുന്ദപുരം താലൂക്ക് ലൈബ്രറി കൗൺസിൽ സെക്രട്ടറി മോഹനൻ മാസ്റ്റർ, പി. അച്യുതൻ മാസ്റ്റർ, സി.ടി. ശശി തുടങ്ങിയവർ പ്രസംഗിച്ചു.