സഖി- സ്ത്രീ ശാക്തീകരണം ; ബോധവൽക്കരണ പരിപാടി സംഘടിപ്പിച്ചു

ഇരിങ്ങാലക്കുട : ക്രൈസ്റ്റ് കോളെജിലെ ബികോം ഫിനാൻസ് വിഭാഗത്തിന്റെ ആഭിമുഖ്യത്തിൽ “സഖി- സ്ത്രീ ശാക്തീകരണം” എന്ന വിഷയത്തിൽ ബോധവൽക്കരണ പരിപാടി സംഘടിപ്പിച്ചു.

പരിപാടിയുടെ ഉദ്ഘാടനം ഇരിങ്ങാലക്കുട കുടുംബ കോടതി ജഡ്ജി വിവിജ സേതുമോഹൻ നിർവഹിച്ചു.

വൈസ് പ്രിൻസിപ്പൽ ഡോ. സേവ്യർ ജോസഫ് അധ്യക്ഷത വഹിച്ചു.

എച്ച്.ആർ. കോർഡിനേറ്റർ അസി. പ്രൊഫ. ഷീബ വർഗ്ഗീസ് ആശംസകൾ നേർന്നു.

മുഖ്യപ്രഭാഷക ഡോ. രഞ്ജു ജോസഫ് സ്ത്രീകൾ വിദ്യാഭ്യാസത്തിലൂടെയും തൊഴിൽ സംരംഭങ്ങളിലൂടെയും സാമ്പത്തികമായി സ്വയം പര്യാപ്തരാകേണ്ടതിന്റെ ആവശ്യകതയെക്കുറിച്ചും ആത്മവിശ്വാസത്തോടെയും സ്വതന്ത്രമായും ജീവിതം മുന്നോട്ടു നയിക്കേണ്ടതിന്റെ പ്രാധാന്യത്തെക്കുറിച്ചും വിശദീകരിച്ചു.

ഡിപ്പാർട്ട്മെൻ്റ് മേധാവി അസോസിയേറ്റ് പ്രൊഫസർ കെ.ജെ. ജോസഫ് സ്വാഗതവും സ്റ്റാഫ് കോർഡിനേറ്റർ അസിസ്റ്റൻ്റ് പ്രൊഫസർ വി. സന്ധ്യ നന്ദിയും പറഞ്ഞു.