ഓണക്കിറ്റ് വിതരണം ചെയ്തു

ഇരിങ്ങാലക്കുട : പുല്ലൂർ സർവ്വീസ് സഹകരണ ബാങ്കിന്റെ കൺസ്യൂമർ ഫെഡ് “ഓണം സഹകരണ വിപണി” ഓണക്കിറ്റ് വിതരണം ബാങ്കിന്റെ മുൻ പ്രസിഡൻ്റും ജില്ലാ പഞ്ചായത്ത് അംഗവുമായ ജോസ് ജെ. ചിറ്റിലപ്പിള്ളി ഉദ്ഘാടനം ചെയ്തു.

ബാങ്ക് പ്രസിഡൻ്റ് സർഗ്ഗൻ കാക്കനാട്ട് അധ്യക്ഷത വഹിച്ചു.

ചടങ്ങിൽ ആദ്യ വിൽപ്പന താലൂക്ക് ലൈബ്രറി കൗൺസിൽ സെക്രട്ടറി കെ.ജി. മോഹനൻ മുൻ ബാങ്ക് പ്രസിഡൻ്റ് ചന്ദ്രൻ കിഴക്കേവളപ്പിലിന് നൽകി നിർവ്വഹിച്ചു.

ഭരണസമിതി അംഗം ഡെന്നി തലോനിക്കര ആശംസകൾ നേർന്നു.

ബാങ്ക് വൈസ് പ്രസിഡൻ്റ് കെ.ആർ. രാജൻ സ്വാഗതവും സെക്രട്ടറി സി.എസ്. സപ്ന നന്ദിയും പറഞ്ഞു.

ഓണക്കിറ്റ് വാങ്ങാൻ വരുന്നവർ റേഷൻ കാർഡ് നിർബന്ധമായും കൊണ്ടുവരേണ്ടതാണ്.

പച്ചക്കറി ഓണച്ചന്ത ആഗസ്റ്റ് 22ന് ആരംഭിക്കും.