മനയ്ക്കൽക്കടവ് ലിഫ്റ്റ് ഇറിഗേഷൻ നവീകരണം: സർക്കാരിന്റെ അവഗണനയ്ക്കെതിരെ ബിജെപി ഇന്ന് ഉപവാസ സമരം നടത്തും

പുതുക്കാട്: മനയ്ക്കൽക്കടവ് ലിഫ്റ്റ് ഇറിഗേഷൻ പദ്ധതി നവീകരണത്തിൽ ജനപ്രതിനിധികളും സർക്കാരും കാണിക്കുന്ന കടുത്ത അവഗണനയ്ക്കും അനാസ്ഥയ്ക്കുമെതിരെ ബിജെപി പുതുക്കാട് പഞ്ചായത്ത് സമിതിയുടെ നേതൃത്വത്തിൽ ഇന്ന് ഉപവാസ സമരം സംഘടിപ്പിക്കുന്നു. ഒക്ടോബർ 26 തിങ്കളാഴ്ച രാവിലെ 9 മണി മുതൽ ശാന്തിനഗറിലാണ് സമരം നടക്കുന്നത്.

ബിജെപി എറണാകുളം മേഖല വൈസ് പ്രസിഡന്റ് ബിജോയ് തോമസ്, മേഖല ട്രഷറർ രാജേഷ് വി.വി, ബിജെപി പുതുക്കാട് മണ്ഡലം പ്രസിഡന്റ് അരുൺ പന്തല്ലൂർ എന്നിവർ ചേർന്ന് സമരം ഉദ്ഘാടനം ചെയ്യും.

ബിജെപി പുതുക്കാട് പഞ്ചായത്ത് പ്രസിഡന്റ് നിശാന്ത് അയ്യഞ്ചിറ, ബിജെപി ജില്ലാ കമ്മിറ്റി അംഗവും 12-ാം വാർഡ് മെമ്പറുമായ ബേബി കീടായിൽ, ബിജെപി മണ്ഡലം വൈസ് പ്രസിഡന്റും 13-ാം വാർഡ് മെമ്പറുമായ ജോയ് മഞ്ഞളി എന്നിവർക്കൊപ്പം മറ്റ് ജില്ലാ, സംസ്ഥാന നേതാക്കളും സമരത്തിൽ പങ്കെടുക്കും.