കയ്പമംഗലത്ത് ദേശീയപാതയിൽ വീണ്ടും അപകടം; ട്രാവലർ ഇടിച്ച് കാർ മറിഞ്ഞു

ദേശീയപാതയിൽ കയ്പമംഗലം പനമ്പിക്കുന്ന് സെന്ററിൽ ഗുരുവായൂർ ഭാഗത്തേക്കുള്ള പാതയിലാണ് അപകടം. ഓടിക്കൊണ്ടിരുന്ന കാറിന്റെ പിന്നിൽ ട്രാവലർ ഇടിക്കുകയായിരുന്നു. ഇടിയുടെ ആഘാതത്തിൽ കാർ കീഴ്മേൽ മറിഞ്ഞു.

അപകടത്തിൽ കാറിലുണ്ടായിരുന്ന കൊടുങ്ങല്ലൂർ സ്വദേശി കടമ്പോട്ട് അമീനയ്ക്ക് പരിക്കേറ്റു. കാറിൽ നാലുപേരാണ് ഉണ്ടായിരുന്നത്. കാറിലെ മറ്റു യാത്രക്കാർക്കും ട്രാവലറിലുണ്ടായിരുന്ന യാത്രക്കാർക്കും പരിക്കില്ലെന്നാണ് വിവരം.