കൊല്ലം കടയ്ക്കലിൽ വീടിനുള്ളിൽ അതിക്രമിച്ചു കയറി യുവതിക്കെതിരെ ലൈംഗിക അതിക്രമം നടത്തിയ 53-കാരൻ പോലീസ് പിടിയിലായി. പടിഞ്ഞാറേ വയല അജ്മൽ മൻസിലിൽ സുലൈമാനാണ് കടയ്ക്കൽ പോലീസിന്റെ പിടിയിലായത്. കഴിഞ്ഞ ബുധനാഴ്ച രാത്രി എട്ട് മണിയോടെയായിരുന്നു സംഭവം നടന്നത്. വീട്ടിൽ മറ്റാരുമില്ലാത്ത സമയം നോക്കി മദ്യപിച്ചെത്തിയ പ്രതി യുവതിയെ ഉപദ്രവിക്കാൻ ശ്രമിക്കുകയായിരുന്നു.
യുവതി ബഹളം വെച്ചതോടെ ഓടി രക്ഷപ്പെട്ട സുലൈമാനെതിരെ യുവതിയുടെ ഭർത്താവും ബന്ധുക്കളും പോലീസിൽ പരാതി നൽകി. യുവതിയുടെ മൊഴി രേഖപ്പെടുത്തിയ കടയ്ക്കൽ പോലീസ് ജാമ്യമില്ലാ വകുപ്പ് പ്രകാരം കേസെടുക്കുകയും വയലാ ഭാഗത്തുനിന്ന് പ്രതിയെ പിടികൂടുകയും ചെയ്തു. അറസ്റ്റ് രേഖപ്പെടുത്തിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
The post വീടിനുള്ളിൽ അതിക്രമിച്ചുകയറി യുവതിയെ പീഡിപ്പിക്കാൻ ശ്രമിച്ചു; പ്രതി പിടിയിൽ appeared first on Express Kerala.
