2026-2027 കാലയളവിലേക്കുള്ള പൊതുമേഖലാ ബാങ്കുകളിലെയും (PSB) റീജിയണൽ റൂറൽ ബാങ്കുകളിലെയും (RRB) വിവിധ തസ്തികകളിലേക്കുള്ള പരീക്ഷാ ഷെഡ്യൂൾ ഇൻസ്റ്റിറ്റ്യൂട്ട് ഓഫ് ബാങ്കിംഗ് പേഴ്സണൽ സെലക്ഷൻ (IBPS) പ്രസിദ്ധീകരിച്ചു. പ്രൊബേഷണറി ഓഫീസർ (PO), സ്പെഷ്യലിസ്റ്റ് ഓഫീസർ (SO), കസ്റ്റമർ സർവീസ് അസോസിയേറ്റ്സ് (Clerk), കൂടാതെ ആർആർബികളിലെ വിവിധ ഗ്രൂപ്പ് എ, ബി തസ്തികകൾ എന്നിവയ്ക്കായുള്ള പ്രിലിമിനറി, മെയിൻ പരീക്ഷാ തീയതികളാണ് പ്രഖ്യാപിച്ചിരിക്കുന്നത്. ബാങ്ക് ഉദ്യോഗാർത്ഥികൾക്ക് ഔദ്യോഗിക വെബ്സൈറ്റായ ibps.in സന്ദർശിച്ച് വിശദമായ കലണ്ടർ പരിശോധിക്കാവുന്നതാണ്.
പൂർണ്ണമായും ഓൺലൈൻ വഴിയായിരിക്കും അപേക്ഷാ പ്രക്രിയ നടക്കുന്നത്. പ്രിലിമിനറി, മെയിൻ പരീക്ഷകൾക്കായി ഉദ്യോഗാർത്ഥികൾക്ക് ഒറ്റ രജിസ്ട്രേഷൻ മതിയെന്നത് അപേക്ഷാ നടപടികൾ ലളിതമാക്കും. ഓരോ തസ്തികയുടെയും വിജ്ഞാപനം പുറത്തുവരുന്ന മുറയ്ക്ക് യോഗ്യരായ ഉദ്യോഗാർത്ഥികൾക്ക് രജിസ്റ്റർ ചെയ്യാം. കൃത്യമായ ഷെഡ്യൂൾ മുൻകൂട്ടി ലഭ്യമായതിനാൽ ഉദ്യോഗാർത്ഥികൾക്ക് തങ്ങളുടെ പഠന പദ്ധതികൾ ഇപ്പോൾ തന്നെ ആസൂത്രണം ചെയ്യാൻ ഈ കലണ്ടർ സഹായിക്കും.
The post IBPS പരീക്ഷാ കലണ്ടർ 2026 പുറത്തിറക്കി; ബാങ്ക് ജോബ് ആഗ്രഹിക്കുന്നവർക്ക് ഇനി തയ്യാറെടുക്കാം appeared first on Express Kerala.
