മസ്കത്ത്: ഒമാനിൽ തൊഴിൽ നിയമങ്ങൾ ലംഘിച്ചതിന്റെ പേരിൽ 2025-ൽ 31,000-ത്തിലധികം പ്രവാസി തൊഴിലാളികളെ പിടികൂടിയതായി തൊഴിൽ മന്ത്രാലയം അറിയിച്ചു. കഴിഞ്ഞ വർഷം ലേബർ വെൽഫെയർ ടീമുകൾ രാജ്യവ്യാപകമായി നടത്തിയ 15,000-ത്തോളം പരിശോധനകളിലൂടെയാണ് ഇത്രയധികം പേർ പിടിയിലായത്. മസ്കത്തിൽ നടന്ന വാർത്താ സമ്മേളനത്തിലാണ് കഴിഞ്ഞ വർഷത്തെ നടപടികളെക്കുറിച്ചും തൊഴിൽ വിപണിയിലെ മാറ്റങ്ങളെക്കുറിച്ചും മന്ത്രാലയം വിശദീകരിച്ചത്.
തൊഴിൽ മന്ത്രാലയത്തിന്റെ കണക്കുകൾ പ്രകാരം, കഴിഞ്ഞ നവംബർ അവസാനം വരെ രാജ്യത്തെ തൊഴിലന്വേഷകരുടെ എണ്ണം 74,000 ആയി ഉയർന്നിട്ടുണ്ടെന്ന് തൊഴിൽ മന്ത്രി ഡോ. മഹദ് സെയ്ദ് ബഅവൈൻ വ്യക്തമാക്കി. ഈ സാഹചര്യത്തിൽ സ്വദേശിവൽക്കരണവും തൊഴിൽ ലഭ്യതയും ഉറപ്പാക്കാൻ വിപുലമായ പദ്ധതികളാണ് മന്ത്രാലയം ആസൂത്രണം ചെയ്യുന്നത്.
Also Read:സലാല തീരത്ത് തുടർച്ചയായ ഭൂചലനങ്ങൾ! അറബിക്കടലിൽ മൂന്ന് തവണ പ്രകമ്പനം രേഖപ്പെടുത്തി
ഈ വർഷം സ്വകാര്യ മേഖലയിൽ മാത്രം 50,000 പുതിയ തൊഴിലവസരങ്ങൾ സൃഷ്ടിക്കാനാണ് ഒമാൻ ലക്ഷ്യമിടുന്നത്. എണ്ണ-വാതക മേഖല, ലോജിസ്റ്റിക്സ്, ടൂറിസം തുടങ്ങിയ പ്രധാന മേഖലകളിൽ നേരിട്ടുള്ള നിയമനങ്ങളിലൂടെയും, നിലവിലുള്ളവർക്ക് പകരം പുതിയ ആളുകളെ നിയമിക്കുന്നതിലൂടെയും ഇത് നടപ്പിലാക്കും. കൂടാതെ, വേതന പിന്തുണ നൽകിയും പ്രത്യേക പരിശീലന പരിപാടികൾ വഴിയും കൂടുതൽ സ്വദേശികളെ തൊഴിൽ വിപണിയിലേക്ക് ആകർഷിക്കാനാണ് മന്ത്രാലയത്തിന്റെ തീരുമാനം.
The post ഒമാനിൽ തൊഴിൽ പരിശോധന കർശനം; കഴിഞ്ഞ വർഷം പിടിയിലായത് 31,000 പ്രവാസികൾ appeared first on Express Kerala.
