ബെംഗളൂരു: കെംപഗൗഡ അന്താരാഷ്ട്ര വിമാനത്താവളത്തിൽ ദക്ഷിണ കൊറിയൻ വിനോദസഞ്ചാരിയെ ലൈംഗികമായി പീഡിപ്പിച്ച ജീവനക്കാരൻ അറസ്റ്റിലായി. വിമാനത്താവളത്തിലെ സ്റ്റാഫ് അംഗമായ അഫാൻ അഹമ്മദിനെയാണ് പോലീസ് പിടികൂടിയത്. സുഹൃത്തിനെ സന്ദർശിക്കാനായി ബെംഗളൂരുവിലെത്തിയ യുവതി തിരികെ നാട്ടിലേക്ക് മടങ്ങുന്നതിനിടെയാണ് ദുരനുഭവം നേരിടേണ്ടി വന്നത്.
ജനുവരി 19-ന് കൊറിയയിലേക്കുള്ള വിമാനത്തിൽ കയറാൻ എത്തിയതായിരുന്നു യുവതി. ഇമിഗ്രേഷൻ നടപടികൾക്ക് ശേഷം സുരക്ഷാ പരിശോധനയ്ക്കിടെ ലഗേജിൽ നിന്ന് അസ്വാഭാവിക ശബ്ദം കേൾക്കുന്നുണ്ടെന്ന് പറഞ്ഞ് അഫാൻ അഹമ്മദ് യുവതിയെ തടഞ്ഞു. നിയമപരമായ പരിശോധനയാണെന്ന് വിശ്വസിപ്പിച്ച് യുവതിയെ ഇയാൾ പുരുഷന്മാരുടെ വിശ്രമമുറിയിലേക്ക് കൊണ്ടുപോവുകയായിരുന്നു.
Also Read: പിണക്കം തീർക്കാൻ സഹായിച്ചില്ല; അയൽവീടുകളിലെ വാഹനങ്ങൾക്ക് തീയിട്ട യുവാവ് അറസ്റ്റിൽ
അവിടെ വെച്ച് സുരക്ഷാ പരിശോധനയുടെ മറവിൽ പ്രതി യുവതിയുടെ സ്വകാര്യ ഭാഗങ്ങളിൽ സ്പർശിക്കുകയും പിന്നിലൂടെ കെട്ടിപ്പിടിക്കുകയും ചെയ്തതായി യുവതി വെളിപ്പെടുത്തി. പെട്ടെന്നുണ്ടായ പ്രവൃത്തിയിൽ പരിഭ്രാന്തയായ യുവതി പിന്നീട് സിംഗപ്പൂർ എയർലൈൻസ് ജീവനക്കാരുടെ സഹായത്തോടെയാണ് പോലീസിൽ പരാതി നൽകിയത്. വിമാനത്താവളത്തിലെ സുരക്ഷാ ഉദ്യോഗസ്ഥരും തന്നെ പിന്തുണച്ചുവെന്നും യുവതി വ്യക്തമാക്കി.
The post വിമാനത്താവളത്തിൽ കൊറിയൻ യുവതിക്ക് നേരെ ലൈംഗികാതിക്രമം; ജീവനക്കാരൻ പിടിയിൽ appeared first on Express Kerala.
