മുണ്ടക്കൈ – ചൂരൽമല ഉരുൾപൊട്ടൽ ദുരന്തബാധിതർക്കായി കോൺഗ്രസും മുസ്ലിം ലീഗും സമാഹരിച്ച തുകയുടെയോ അതിന്റെ വിനിയോഗത്തിന്റെയോ യാതൊരു വിവരവും സർക്കാരിന് ലഭിച്ചിട്ടില്ലെന്ന് മുഖ്യമന്ത്രി പിണറായി വിജയൻ സഭയിൽ അറിയിച്ചു. ദുരന്തബാധിതർക്കായി നടപ്പിലാക്കുന്ന പുനരധിവാസ പദ്ധതിയുടെ ആനുകൂല്യങ്ങൾ ആർക്കെല്ലാം ലഭ്യമാക്കുമെന്ന കാര്യത്തിലും സർക്കാരിന് അറിവില്ല. വീടുകൾ സർക്കാർ തന്നെ നേരിട്ട് നിർമ്മിക്കുമെന്ന ആദ്യത്തെ പൊതുധാരണയിൽ നിന്ന് മാറി, സ്വന്തം നിലയിൽ വീടുകൾ നിർമ്മിക്കുമെന്ന ഏകപക്ഷീയമായ തീരുമാനമാണ് പ്രതിപക്ഷ പാർട്ടികൾ കൈക്കൊണ്ടത്. ഈ വിവരങ്ങൾ കൈമാറാത്തത് പദ്ധതികളുടെ ഏകോപനത്തെ ബാധിക്കുമെന്നും മുഖ്യമന്ത്രി വ്യക്തമാക്കി.
അതേസമയം, സംസ്ഥാന സർക്കാർ കൽപ്പറ്റ എൽസ്റ്റൺ എസ്റ്റേറ്റിൽ ഒരുക്കുന്ന ടൗൺഷിപ്പ് പദ്ധതി അന്തിമഘട്ടത്തിലാണ്. ആദ്യഘട്ടത്തിൽ നിർമ്മാണം പൂർത്തിയായ 178 വീടുകൾ നറുക്കെടുപ്പിലൂടെ ഗുണഭോക്താക്കൾക്ക് ഉടൻ കൈമാറും. വീടുകൾ കൈമാറുന്ന ഔദ്യോഗിക തീയതി നിശ്ചയിക്കുന്നതിനായി മുഖ്യമന്ത്രിയുടെ അധ്യക്ഷതയിൽ ഇന്ന് നിർണ്ണായക യോഗം ചേരും. ഫെബ്രുവരി ആദ്യവാരത്തോടെ തന്നെ ഈ വീടുകളുടെ വിതരണം പൂർത്തിയാക്കാനാണ് സർക്കാർ ലക്ഷ്യമിടുന്നത്.
The post മുണ്ടക്കൈ പുനരധിവാസം! പ്രതിപക്ഷം ഫണ്ട് വിവരങ്ങൾ മറച്ചുവെക്കുന്നുവെന്ന് മുഖ്യമന്ത്രി appeared first on Express Kerala.
