തിരുവനന്തപുരം: ഐതിഹാസികമായ പോരാട്ടവീര്യം പുതുതലമുറയ്ക്ക് പകർന്നുനൽകാൻ മുൻ മുഖ്യമന്ത്രി വിഎസ് അച്യുതാനന്ദന്റെ പേരിൽ തലസ്ഥാനത്ത് വിഎസ് സെന്റർ സ്ഥാപിക്കും. ബജറ്റ് പ്രസംഗത്തിനിടെ ധനമന്ത്രി കെ.എൻ. ബാലഗോപാലാണ് ഈ സുപ്രധാന പ്രഖ്യാപനം നടത്തിയത്. വിഎസ് സെന്റർ സ്ഥാപിക്കുന്നതിനായി 20 കോടി രൂപ ബജറ്റിൽ വകയിരുത്തിയിട്ടുണ്ട്.
കേരളത്തിന്റെ രാഷ്ട്രീയ ചരിത്രത്തിൽ വിഎസ് നടത്തിയ സമാനതകളില്ലാത്ത പോരാട്ടങ്ങൾ വരുംതലമുറയ്ക്ക് പഠിക്കാനും പ്രചോദനം ഉൾക്കൊള്ളാനുമുള്ള കേന്ദ്രമായി ഇത് മാറും. അഴിമതിക്കും അനീതിക്കും എതിരെ വിട്ടുവീഴ്ചയില്ലാതെ പോരാടിയ ജനകീയ നേതാവിന്റെ സ്മരണകൾക്ക് അർഹമായ ആദരമാണ് ഈ കേന്ദ്രമെന്ന് മന്ത്രി വ്യക്തമാക്കി.
The post വിഎസ് സെന്ററിന് 20 കോടി; ഇതിഹാസ പോരാളിയുടെ ഓർമ്മയ്ക്കായി തലസ്ഥാനത്ത് സ്മാരകം! appeared first on Express Kerala.
