ലോകത്തിലെ ആദ്യത്തെ സമ്പൂർണ്ണ റോബോട്ട് നിർമ്മിത റസിഡൻഷ്യൽ വില്ല ദുബായിൽ വരുന്നു. നിർമ്മാണത്തിന്റെ ഓരോ ഘട്ടവും അത്യാധുനിക റോബട്ടിക് സാങ്കേതിക വിദ്യ ഉപയോഗിച്ച് പൂർത്തിയാക്കുന്ന ഈ വിപ്ലവകരമായ പദ്ധതി ദുബായ് മുനിസിപ്പാലിറ്റിയാണ് പ്രഖ്യാപിച്ചത്. എക്സ്പോ സിറ്റിയിൽ പുതുതായി ആരംഭിച്ച കൺസ്ട്രക്ഷൻ ഇന്നവേഷൻ ആൻഡ് റിസർച്ച് സെന്ററിൽ വെച്ചായിരുന്നു ഈ ചരിത്ര പ്രഖ്യാപനം. മനുഷ്യപ്രയത്നം കുറച്ച് കൃത്യതയോടെയും വേഗത്തിലും വീട് പണിയാൻ ലോകമെമ്പാടുമുള്ള സാങ്കേതിക വിദഗ്ധരെ അണിനിരത്തിക്കൊണ്ട് ഒരു ആഗോള ചലഞ്ചിനും ഇതോടൊപ്പം തുടക്കമിട്ടു.
നിർമ്മാണ മേഖലയുടെ 70 ശതമാനവും ഫാക്ടറികളിൽ നിർമ്മിച്ച് സൈറ്റിലെത്തിക്കുന്ന ’70-70′ നയത്തിന്റെ ഭാഗമായാണ് ഈ നീക്കം. 2030-ഓടെ നിർമ്മാണ പ്രവർത്തനങ്ങളുടെ വലിയൊരു ശതമാനം ഓട്ടോമേഷനിലേക്ക് മാറ്റാനാണ് ദുബായ് ലക്ഷ്യമിടുന്നത്. നിർമ്മാണച്ചെലവ് കുറയ്ക്കുന്നതിനും സുസ്ഥിരമായ നിർമ്മാണ രീതികൾ പ്രോത്സാഹിപ്പിക്കുന്നതിനും ഈ പദ്ധതി വലിയ പങ്കുവഹിക്കും. ശോഭ റിയൽറ്റി ഉൾപ്പെടെയുള്ള പ്രമുഖ കമ്പനികളുമായി ചേർന്നാണ് ദുബായ് ഈ സാങ്കേതിക വിപ്ലവത്തിന് ചുക്കാൻ പിടിക്കുന്നത്.
The post നിർമ്മാണത്തിന് ഇനി റോബട്ടുകൾ! ലോകത്തിലെ ആദ്യത്തെ റോബട്ടിക് വില്ലയുമായി ദുബായ് appeared first on Express Kerala.
