ഉപ്പ് ആരോഗ്യത്തിന് നല്ലതാണോ ദോഷമാണോ എന്ന കാര്യത്തിൽ പലർക്കും ഇന്നും സംശയമുണ്ട്. അമിതമായാൽ ഉപ്പ് രക്തസമ്മർദ്ദം വർദ്ധിപ്പിക്കുമെന്നത് സത്യമാണെങ്കിലും, ശരിയായ അളവിൽ ഉപയോഗിച്ചാൽ ഇത് ശരീരത്തിന് അത്യന്താപേക്ഷിതമായ പല ഗുണങ്ങളും നൽകുന്നുണ്ട്. വ്യായാമം ചെയ്യുമ്പോഴും വിയർക്കുമ്പോഴും ശരീരത്തിൽ നിന്ന് സോഡിയം പോലുള്ള ഇലക്ട്രോലൈറ്റുകൾ വൻതോതിൽ നഷ്ടപ്പെടാറുണ്ട്. കുടിവെള്ളത്തിൽ ഒരു നുള്ള് ഉപ്പ് ചേർത്ത് കുടിക്കുന്നത് ഇത്തരത്തിൽ നഷ്ടപ്പെട്ട ഇലക്ട്രോലൈറ്റുകൾ വീണ്ടെടുക്കാനും കോശങ്ങളിൽ ജലാംശം നിലനിർത്താനും സഹായിക്കുമെന്ന് പഠനങ്ങൾ വ്യക്തമാക്കുന്നു.
നിർജ്ജലീകരണം തടയുന്നതിനൊപ്പം ദഹനപ്രക്രിയ മെച്ചപ്പെടുത്താനും ഉപ്പുവെള്ളം ഫലപ്രദമാണ്. ഇത് ആമാശയത്തിൽ ഹൈഡ്രോക്ലോറിക് ആസിഡിന്റെ ഉത്പാദനം മെച്ചപ്പെടുത്തുന്നതിലൂടെ ഭക്ഷണം എളുപ്പത്തിൽ ദഹിക്കുന്നു. കൂടാതെ ശരീരത്തിലെ വിഷാംശങ്ങളെ പുറന്തള്ളുന്നതിലൂടെ ചർമ്മത്തിന് തിളക്കം നൽകാനും കുരുക്കളും പാടുകളും കുറയ്ക്കാനും ഇത് സഹായിക്കും. പലപ്പോഴും പേശിവലിവ് അനുഭവപ്പെടുന്നത് ശരീരത്തിൽ സോഡിയം കുറയുമ്പോഴാണ്, ഇതിന് ആശ്വാസം നൽകാനും ഉപ്പുവെള്ളത്തിന് സാധിക്കും.
Also Read: ചിക്കൻ പോക്സ് ദൈവകോപമോ! പേടിച്ചാൽ വരുമോ? അറിയാം ശാസ്ത്രീയ സത്യങ്ങളും പ്രതിരോധ രീതികളും
എന്നാൽ ഉപ്പുവെള്ളം കുടിക്കുമ്പോൾ അളവിന്റെ കാര്യത്തിൽ പ്രത്യേക ശ്രദ്ധ ആവശ്യമാണ്. ഒരു ലിറ്റർ വെള്ളത്തിൽ ഒരു നുള്ള് ഉപ്പ് മാത്രമേ ചേർക്കാവൂ. അമിതമായാൽ ഇത് ദാഹം വർദ്ധിപ്പിക്കാനും നിർജ്ജലീകരണത്തിലേക്ക് നയിക്കാനും ഇടയാക്കും. ഉയർന്ന രക്തസമ്മർദ്ദം, വൃക്കരോഗങ്ങൾ എന്നിവയുള്ളവർ ഡോക്ടറുടെ നിർദ്ദേശമില്ലാതെ ഇത്തരം ശീലങ്ങൾ തുടങ്ങരുത്. സാധാരണ ഉപ്പിനേക്കാൾ മിനറലുകൾ അടങ്ങിയ ഹിമാലയൻ പിങ്ക് സാൾട്ട് ഉപയോഗിക്കുന്നതാണ് ഏറ്റവും ഉചിതം.
The post വെള്ളത്തിൽ ഒരു നുള്ള് ഉപ്പ്; നിങ്ങൾക്കറിയാത്ത ഈ ‘മാന്ത്രിക’ ഗുണങ്ങൾ ഞെട്ടിക്കും! appeared first on Express Kerala.
